Almaty oblysynda soŋǧy täulıkte 254 adam koronavirus jūqtyrǧan. Nätijesınde aurudyŋ ösu qarqyny 1,6% qūrady. Kesel Tekelı, Taldyqorǧan qalalary men Köksu, Qaratal, Eskeldı, Ūiǧyr, Panfilov audandarynda köp taraǧan. Qazaqstan öŋırlerındegı epidemiologiialyq jaǧdaidy baǧalau matrisasyna säikes Almaty oblysy «qyzyl» aimaqta ornalasqan.
Aimaqtaǧy epidemiologiialyq ahualdy jaqsartu maqsatynda karantindık şaralar taǧy da küşeitılmek. Osyǧan orai Almaty oblysynyŋ bas sanitarlyq därıgerınıŋ №8 Qaulysy şyqty.
«Jaŋa talaptarǧa sai, toihanalar, teatrlar men kinoteatrlardyŋ qyzmetı toqtatyla tūrady. Sondai-aq audany 2000 şarşy metrden asatyn azyq-tülık emes dükenderdıŋ jūmysyna tyiym salynady. Dıni nysandardyŋ jūmysyna da şekteu qoiylady. Mäselen, azamattarǧa Qūdaiǧa qūlşylyq etu, auyzaşar türınde ūjymdyq ıs-şaralar ötkızuge bolmaidy. Keşkı namaz (tarauih) jäne jūma namazyn kemınde 2 metr äleumettık qaşyqtyqty saqtai otyryp, aşyq auada oquǧa bolady»,- deidı Almaty oblysy boiynşa sanitariialyq - epidemiologiialyq baqylau basşysynyŋ orynbasary Ashat Charapiev.
Sonymen qatar jūmys künderı qoǧamdyq tamaqtanu nysandary saǧat 09:00-den 20:00-ge deiın jūmys ısteidı, senbı jäne jeksenbı künderı uaqyt boiynşa şekteusız şyǧaru jäne jetkızu jūmystaryn qospaǧanda qyzmetke tyiym salynady.
Barşaǧa mälım, jyl basynan öŋırde halyqty COVID-19-ǧa qarsy vaksinasiialau jūmystary bastalǧan bolatyn. Qazırgı taŋda oblysta 117 egu punktı jūmys ısteidı, olardyŋ 7-ı oblys ortalyǧynda ornalasqan.
Soŋǧy mälımetterge säikes, öŋırde 24 803 adam «Sputnik V» vaksinasynyŋ bırınşı komponentın qabyldaǧan. Onyŋ ışınde 11887 medisina qyzmetkerı, 7809 pedagog, 11 student, 1966 äskeriler, 563 memlekettık qyzmetker, 94 sozylmaly aurulary bar adamdar, 2388 basqa tūlǧalar ekpe alǧan.
Vaksinanyŋ ekınşı bölıgı 21 künnen keiın alynady. Oblys boiynşa, ekınşı komponenttı 8122 azamat qabyldaǧan. Olardyŋ qatarynda 6303 medisina qyzmetkerı, 1689 pedagog, 52 qaruly küşter qyzmetkerlerı, 74 memlekettık qyzmetşı, 4 basqa tūlǧalar bar.
Mamandardyŋ aituynşa, egılgender arasynda vaksinasiiadan keiıngı reaksiialar men asqynular tırkelmegen.
Ūqsas jaŋalyqtar
