Almaty oblysynda sońǵy táýlikte 254 adam koronavırýs juqtyrǵan. Nátıjesinde aýrýdyń ósý qarqyny 1,6% qurady. Kesel Tekeli, Taldyqorǵan qalalary men Kóksý, Qaratal, Eskeldi, Uıǵyr, Panfılov aýdandarynda kóp taraǵan. Qazaqstan óńirlerindegi epıdemıologııalyq jaǵdaıdy baǵalaý matrıasyna sáıkes Almaty oblysy «qyzyl» aımaqta ornalasqan.
Aımaqtaǵy epıdemıologııalyq ahýaldy jaqsartý maqsatynda karantındik sharalar taǵy da kúsheıtilmek. Osyǵan oraı Almaty oblysynyń bas sanıtarlyq dárigeriniń №8 Qaýlysy shyqty.
«Jańa talaptarǵa saı, toıhanalar, teatrlar men kınoteatrlardyń qyzmeti toqtatyla turady. Sondaı-aq aýdany 2000 sharshy metrden asatyn azyq-túlik emes dúkenderdiń jumysyna tyıym salynady. Dinı nysandardyń jumysyna da shekteý qoıylady. Máselen, azamattarǵa Qudaıǵa qulshylyq etý, aýyzashar túrinde ujymdyq is-sharalar ótkizýge bolmaıdy. Keshki namaz (taraýıh) jáne juma namazyn keminde 2 metr áleýmettik qashyqtyqty saqtaı otyryp, ashyq aýada oqýǵa bolady»,- deıdi Almaty oblysy boıynsha sanıtarııalyq - epıdemıologııalyq baqylaý basshysynyń orynbasary Ashat Charapıev.
Sonymen qatar jumys kúnderi qoǵamdyq tamaqtaný nysandary saǵat 09:00-den 20:00-ge deıin jumys isteıdi, senbi jáne jeksenbi kúnderi ýaqyt boıynsha shekteýsiz shyǵarý jáne jetkizý jumystaryn qospaǵanda qyzmetke tyıym salynady.
Barshaǵa málim, jyl basynan óńirde halyqty COVID-19-ǵa qarsy vakınaııalaý jumystary bastalǵan bolatyn. Qazirgi tańda oblysta 117 egý pýnkti jumys isteıdi, olardyń 7-i oblys ortalyǵynda ornalasqan.
Sońǵy málimetterge sáıkes, óńirde 24 803 adam «Spýtnık V» vakınasynyń birinshi komponentin qabyldaǵan. Onyń ishinde 11887 medıına qyzmetkeri, 7809 pedagog, 11 stýdent, 1966 áskerıler, 563 memlekettik qyzmetker, 94 sozylmaly aýrýlary bar adamdar, 2388 basqa tulǵalar ekpe alǵan.
Vakınanyń ekinshi bóligi 21 kúnnen keıin alynady. Oblys boıynsha, ekinshi komponentti 8122 azamat qabyldaǵan. Olardyń qatarynda 6303 medıına qyzmetkeri, 1689 pedagog, 52 qarýly kúshter qyzmetkerleri, 74 memlekettik qyzmetshi, 4 basqa tulǵalar bar.
Mamandardyń aıtýynsha, egilgender arasynda vakınaııadan keıingi reakııalar men asqynýlar tirkelmegen.
