Qyzylorda oblysy Jalaǵash aýdandyq bilim berý bólimi taratqan resmı hat eldi dúrliktirdi. Onda 12 jastan asqan balalarǵa koronavırýsqa qarsy vakına salý týraly aıtylǵan. Tipti oqýshylardyń tizimin jasaýǵa tapsyrma berilgen, dep habarlaıdy "Adyrna" ulttyq portaly sputnik.kz-ge silteme jasap.
Bilim bóliminiń haty ata-analar chattarynda jyldam tarap ketti. Halyq bul bastamany balalardy májbúrli vakınalaý dep qabyldady. Osyǵan baılanysty narazylyq ta kúsheıdi.
- Aýdandyq bilim bólimi sanıtarlyq epıdemıologııalyq ortalyǵynyń 07.09.2021 jylǵy №2216 sandy hatyna sáıkes 12 jastan asqan balalardy koronavırýs ınfekııasyna qarsy vakınalaý josparlanǵandyǵyn habarlaıdy. Osyǵan oraı sizden ekpe jumystaryna baılanysty tómendegi kestege sáıkes tolyq málimetti osy jyldyń 9 qyrkúıegine deıin bilim bólimine joldaýdy tapsyrady, - delingen resmı habarlamada. Oblystyq bilim basqarmasy aýdandyq bólimniń bul bastamasyn toqtatty.
- Bizdiń zańnamamyzǵa sáıkes, elimizde 18 jasqa deıingi kez kelgen vakınalaý ata-analardyń kelisimimen ǵana júrgiziledi. Osyǵan baılanysty bilim basqarmasy Jalaǵash aýdandyq bilim bóliminiń 12 jastan asqan balalardyń tizimin jasaýǵa qatysty bastamasyn toqtatty. Oblysta basqa bilim berý uıymdarynda ondaı derekter jınalyp jatqan joq, - dedi basqarma basshysy Aqzıra Qasymova arnaıy brıfıngte. Al Jalaǵash aýdandyq bilim bóliminiń basshysyna "tym erte qımyldaǵany úshin" sógis jarııalandy.
Oblystyń sanıtarlyq-epıdemıologııalyq baqylaý departamenti basshysynyń orynbasary Álııa Ábdikárimovanyń aıtýynsha, Qazaqstanda balalar men jasóspirimderdi koronavırýs ınfekııasyna qarsy vakınalaý boıynsha naqty sheshim qabyldanǵan joq. Oǵan qosa, elimizge júkti áıelder men balalarǵa egýge bolatyn Pfizer vakınasy áli jetkizilmedi - deıdi ol.
"Adyrna" ulttyq portaly
