Qyzylorda oblysy Jalaǧaş audandyq bılım beru bölımı taratqan resmi hat eldı dürlıktırdı. Onda 12 jastan asqan balalarǧa koronavirusqa qarsy vaksina salu turaly aitylǧan. Tıptı oquşylardyŋ tızımın jasauǧa tapsyrma berılgen, dep habarlaidy "Adyrna" ūlttyq portaly sputnik.kz-ge sılteme jasap.
Bılım bölımınıŋ haty ata-analar chattarynda jyldam tarap kettı. Halyq būl bastamany balalardy mäjbürlı vaksinalau dep qabyldady. Osyǧan bailanysty narazylyq ta küşeidı.
- Audandyq bılım bölımı sanitarlyq epidemiologiialyq ortalyǧynyŋ 07.09.2021 jylǧy №2216 sandy hatyna säikes 12 jastan asqan balalardy koronavirus infeksiiasyna qarsy vaksinalau josparlanǧandyǧyn habarlaidy. Osyǧan orai sızden ekpe jūmystaryna bailanysty tömendegı kestege säikes tolyq mälımettı osy jyldyŋ 9 qyrküiegıne deiın bılım bölımıne joldaudy tapsyrady, - delıngen resmi habarlamada. Oblystyq bılım basqarmasy audandyq bölımnıŋ būl bastamasyn toqtatty.
- Bızdıŋ zaŋnamamyzǧa säikes, elımızde 18 jasqa deiıngı kez kelgen vaksinalau ata-analardyŋ kelısımımen ǧana jürgızıledı. Osyǧan bailanysty bılım basqarmasy Jalaǧaş audandyq bılım bölımınıŋ 12 jastan asqan balalardyŋ tızımın jasauǧa qatysty bastamasyn toqtatty. Oblysta basqa bılım beru ūiymdarynda ondai derekter jinalyp jatqan joq, - dedı basqarma basşysy Aqzira Qasymova arnaiy brifingte. Al Jalaǧaş audandyq bılım bölımınıŋ basşysyna "tym erte qimyldaǧany üşın" sögıs jariialandy.
Oblystyŋ sanitarlyq-epidemiologiialyq baqylau departamentı basşysynyŋ orynbasary Äliia Äbdıkärımovanyŋ aituynşa, Qazaqstanda balalar men jasöspırımderdı koronavirus infeksiiasyna qarsy vaksinalau boiynşa naqty şeşım qabyldanǧan joq. Oǧan qosa, elımızge jüktı äielder men balalarǧa eguge bolatyn Pfizer vaksinasy älı jetkızılmedı - deidı ol.
"Adyrna" ūlttyq portaly
Ūqsas jaŋalyqtar
