XIV Dalaı-Lama Jer turǵyndaryna úndeý jasady, dep habarlaıdy "Adyrna" ulttyq portaly.
"2021 jyldyń Jer kúninde men búkil álemdegi baýyrlaryma bizdi alda turǵan qıyndyqtar men múmkindikterdi qarastyrýǵa shaqyramyn. Bizdiń planeta - bul keremet ómir súrýge arnalǵan jer. Onyń ómiri - bizdiń ómirimiz, onyń bolashaǵy - bizdiń bolashaǵymyz. Jeke uıymdar men jekelegen memleketter jahandyq jylyný jáne ozon qabatynyń juqarýy sııaqty ámbebap problemalar aldynda ózderin dármensiz sezinedi. Biz kúsh biriktirmesek, olardy sheshe almaımyz. Bizdiń Jer-anamyz bizge jalpyǵa ortaq jaýapkershilik týraly sabaq beredi", - dep jazylǵan býddızmniń rýhanı kóshbasshysynyń saıtynda.
Ol adamzattyń problemalarynyń biri - sý tapshylyǵy máselesin atap ótti.
"Búgingi kúni álemniń kóptegen bólikterindegi adamdardyń, ásirese analar men balalardyń ál-aýqatyna burynǵydan da qatty sý tapshylyǵy men sanıtarlyq-gıgıenalyq talaptardyń jetkiliksizdigi qaýip tóndiredi. Álemdegi eki mıllıardqa jýyq adamnyń mańyzdy medıınalyq qyzmetterge qol jetimsizdikten zardap shegýi alańdatady", dep qosty ol.
Dalaı Lama ózara táýeldilik - tabıǵattyń negizgi zańy dep túsindirdi.
"Ózara táýeldilikti túsinbeý qorshaǵan ortaǵa ǵana emes, adamzat qoǵamyna da zııan tıgizedi. Demek, biz, adamdar, búkil adamzattyń birligin júzege asyrýǵa kelisýimiz kerek. Qorshaǵan ortaǵa qamqorlyq bizdiń kúndelikti ómirimizdiń ajyramas bóligi bolýy kerek", dep qorytty sózin Nobel syılyǵynyń laýreaty.
"Adyrna" ulttyq portaly
