دالاي-لاما ادامزاتقا قاۋىپ تونگەندىگىن جاريالادى

4475
Adyrna.kz Telegram

XIV دالاي-لاما جەر تۇرعىندارىنا ۇندەۋ جاسادى، دەپ حابارلايدى "ادىرنا" ۇلتتىق پورتالى.

"2021 جىلدىڭ جەر كۇنىندە مەن بۇكىل الەمدەگى باۋىرلارىما ءبىزدى الدا تۇرعان قيىندىقتار مەن مۇمكىندىكتەردى قاراستىرۋعا شاقىرامىن. ءبىزدىڭ پلانەتا - بۇل كەرەمەت ءومىر سۇرۋگە ارنالعان جەر. ونىڭ ءومىرى - ءبىزدىڭ ءومىرىمىز، ونىڭ بولاشاعى - ءبىزدىڭ بولاشاعىمىز. جەكە ۇيىمدار مەن جەكەلەگەن مەملەكەتتەر جاھاندىق جىلىنۋ جانە وزون قاباتىنىڭ جۇقارۋى سياقتى امبەباپ پروبلەمالار الدىندا وزدەرىن دارمەنسىز سەزىنەدى. ءبىز كۇش بىرىكتىرمەسەك، ولاردى شەشە المايمىز. ءبىزدىڭ جەر-انامىز بىزگە جالپىعا ورتاق جاۋاپكەرشىلىك تۋرالى ساباق بەرەدى", - دەپ جازىلعان ءبۋدديزمنىڭ رۋحاني كوشباسشىسىنىڭ سايتىندا.

ول ادامزاتتىڭ پروبلەمالارىنىڭ ءبىرى - سۋ تاپشىلىعى ماسەلەسىن اتاپ ءوتتى.

"بۇگىنگى كۇنى الەمنىڭ كوپتەگەن بولىكتەرىندەگى ادامداردىڭ، اسىرەسە انالار مەن بالالاردىڭ ءال-اۋقاتىنا بۇرىنعىدان دا قاتتى سۋ تاپشىلىعى مەن سانيتارلىق-گيگيەنالىق تالاپتاردىڭ جەتكىلىكسىزدىگى قاۋىپ توندىرەدى. الەمدەگى ەكى ميللياردقا جۋىق ادامنىڭ ماڭىزدى مەديتسينالىق قىزمەتتەرگە قول جەتىمسىزدىكتەن زارداپ شەگۋى الاڭداتادى", دەپ قوستى ول.

دالاي لاما ءوزارا تاۋەلدىلىك - تابيعاتتىڭ نەگىزگى زاڭى دەپ ءتۇسىندىردى.

ء"وزارا تاۋەلدىلىكتى تۇسىنبەۋ قورشاعان ورتاعا عانا ەمەس، ادامزات قوعامىنا دا زيان تيگىزەدى. دەمەك، ءبىز، ادامدار، بۇكىل ادامزاتتىڭ بىرلىگىن جۇزەگە اسىرۋعا كەلىسۋىمىز كەرەك. قورشاعان ورتاعا قامقورلىق ءبىزدىڭ كۇندەلىكتى ءومىرىمىزدىڭ اجىراماس بولىگى بولۋى كەرەك",  دەپ قورىتتى ءسوزىن نوبەل سىيلىعىنىڭ لاۋرەاتى.

"ادىرنا" ۇلتتىق پورتالى

پىكىرلەر