Deputat Nariman Töreǧaliev Qyzylorda oblysy Jaŋaqorǧan audanynda jüzege asyryluǧa tiıs bolǧan «Syrdariia jäne Talap toptyq su qūbyrynyŋ qūrylysy» jobalaryna qatysty problemalardy köterdı, dep habarlaidy "Adyrna" ūlttyq portaly. Būl turaly QR Parlamentı senatynyŋ Instagram paraqşasynda aityldy.
Deputat öz saualyn Premer-Ministrdıŋ orynbasaryna joldai otyryp, Talap jäne Syrdariia toptyq su qūbyrlarynyŋ ıske qosyluyn jyldamdatyp, tızbege engızıp, subsidiialauǧa qatysty mäselelerın şeşuge yqpal jasauyn sūrady.
Joba boiynşa audannyŋ 28 eldımekenınde tūryp jatqan 43 myŋǧa juyq halyq auyz sumen qamtylu kerek edı. Syrdariia toptyq su qūbyry 5,2 mlrd. teŋge qarjyǧa salynyp, paidalanuǧa berıldı. Al, Talap toptyq su qūbyrynyŋ qūrylys jūmystaryna 5,5 mlrd. teŋge jūmsalǧan.
"Qazırgı taŋda auyz su halyqqa künıne bır-ekı saǧatqa berılıp,uaqytpen şektelgen. Osy jobalardyŋ tolyq ıske qosylmauy saldarynan tūrǧyndar auyz sudy aulada ornalasqan şahtalyq qūdyqtardan nemese kışı ūŋǧymalardan alyp ışuge mäjbür", dedı Senat deputaty Nariman Töreǧaliev.Deputattyŋ aituynşa, 11 mlrd. teŋgege juyq qarajat jūmsalyp, 2014 jyldan bastap jürgızılgen jobanyŋ tüpkılıktı nätijesın halyq körmei otyr. Sebebı, Talap su öndıru keşenınde qazylǧan 8 ūŋǧymadan qūm aralas su şyǧyp jatyr. Sonymen qatar, atalǧan ekı toptyq su qūbyry sumen jabdyqtaudyŋ erekşe maŋyzdy toptyq jäne oqşau jüielerınıŋ tızbesıne engızılmegen. Iаǧni, halyq auyz suǧa tolyq tarifpen tölep otyr.
"Adyrna" ūlttyq portaly
Ūqsas jaŋalyqtar
