Prezident Qasym-Jomart Toqaev Parlament palatalarynyŋ bırlesken otyrysynda Mäjılıs pen Senattyŋ 30 jyldaǧy qyzmetıne joǧary baǧa berdı, dep habarlaidy "Adyrna" tılşısı.
Aqorda deregınşe, Memleket basşysy qos palataly Parlamenttıŋ täuelsız Qazaqstannyŋ qalyptasuy men damuyna eleulı üles qosqanyn atap öttı. Onyŋ aituynşa, zaŋ şyǧaruşy organ osy uaqyt ışınde eldıŋ qūqyqtyq jüiesın jetıldıruge, memlekettılıktı nyǧaituǧa jäne naryqtyq ekonomikany damytuǧa baǧyttalǧan 3,5 myŋǧa juyq zaŋ qabyldaǧan.
«30 jyl ışınde asa qajet 3,5 myŋǧa juyq zaŋ qabyldandy. Onyŋ ärbır onynşysynyŋ bastamaşysy – deputattar. Zaŋ şyǧaru jüiesınıŋ qalyptasuyna halqymyzǧa jäne halyqaralyq qauymdastyqqa keŋınen tanymal saiasatkerler, körnektı memleket jäne qoǧam qairatkerlerı atsalysty», – dedı Prezident.
Prezident Qasym-Jomart Toqaev olardyŋ eŋbegı Parlament tarihynda erekşe ız qaldyryp, halyq jadynda saqtalatynyn aitty.
Prezidenttıŋ sözınşe, būl bırlesken otyrys täuelsız Qazaqstan tarihyndaǧy tūtas bır kezeŋnıŋ aiaqtalǧanyn bıldıredı. Ol Parlamenttıŋ zaman talabyna beiımdelıp, qoǧam sūranysyna jedel jauap beretın syndarly institut retınde qalyptasqanyn atap öttı.
Sonymen qatar, Memleket basşysy joǧary parlamenttık mädeniettı Qazaqstannyŋ damuynyŋ maŋyzdy körsetkışterınıŋ bırı retınde baǧalady.
