Qazaqstanda AES salu boiynşa referendumnyŋ qorytyndysy jariialanǧannan keiın “Rosatomnyŋ” bas direktory Aleksei Lihachev Qazaqstan Prezidentı Qasym Jomart Toqaevpen kezdesudı sūraǧan. Būl turaly Resei elşılıgınıŋ haty delıngen qūjattyŋ köşırmesı jelıge tarady, dep habarlaidy “Adyrna” ūlttyq portaly.
Aita keteiık, 6 qazan künı Qazaqstanda atom elektr stansasyn salu boiynşa referendum ötken bolatyn. Onyŋ dauly nätijesı elde atom elektr stansiiasy salynady degen şeşımmen aiaqtaldy.
Referendum qorytyndysy 8 qazan jariialanǧannan keiın “Rosatomnyŋ” bas direktory Aleksei Lihachev Qazaqstan Prezidentı Qasym Jomart Toqaev jäne Premer-ministr Oljas Bektenovpen kezdesudı sūraǧan. Tiıstı saual 11 qazanda diplomatiialyq arnalar arqyly jıberılgen.
Atalǧan qūjat jelıde tarady.
Aita keteiık, ädette mūndai kezdesulerdıŋ qūpiialylyǧy saqtalatyn.
Sonymen qatar, 15 qazan Resei prezidentı Vladimir Putin «Rosatom» atom energiiasy jönındegı memlekettık korporasiiasynyŋ bas direktory Aleksei Lihachevpen kezdestı. Būl turaly Kremldıŋ resmi saitynda jariialandy.
Kezdesu barysynda memlekettık korporasiianyŋ aǧymdaǧy qyzmetı talqylandy. Atap aitqanda, «Rosatom» basşysy Putinge kompaniianyŋ ekonomikalyq körsetkışterı, şeteldık jobalar men ǧylymi äzırlemeler, sondai-aq memlekettık qorǧanys tapsyrysyn oryndau jäne eldıŋ kölık egemendıgın qamtamasyz etu jūmystarynyŋ barysy turaly baiandady.
Aleksei Lihachevtıŋ aituynşa, syrtqy syn-qaterlerge qaramastan, korporasiia damudyŋ maŋyzdy parametrlerın saqtai aldy – aǧymdaǧy jobalardy nyǧaityp qana qoimai, sonymen bırge, eŋ aldymen, ǧylymi-tehnikalyq damu tūrǧysynan bolaşaqqa eleulı negız jasai aldy.
