Almaty qalasy sanitariialyq-epidemiologiialyq baqylau departamentı basşysynyŋ orynbasary Äsel Qalyqova "sapasyz" qorǧanyş qūraldaryna qatysty pıkır bıldırdı, dep habarlaidy "Adyrna" ūlttyq portaly derekközge sılteme jasap.
Äsel Qalyqova Almatynyŋ bas sanitar därıgerı Jandarbek Bekşin aitqan sözder "qūrǧaq söz jäne negızsız" ekenın aitady. Ol mūnyŋ bırneşe sebebın tüsındırdı.
"Bırınşıden, Qazaqstanda memlekettık satyp alu bırneşe jyldan berı elektrondy portal arqyly jüzege asyrylyp keledı, sondyqtan tıkelei qoltaŋbasy men mörı bar eşqandai qūjat boluy mümkın emes. Ekınşıden, jeke qorǧanyş qūraldaryna qatysty memlekettık satyp alu qoldanystaǧy zaŋnama aiasynda öttı. Sonymen qatar, jetkızuşıler jetkızgen tauarlardy qabyldauǧa men qatysqan joqpyn, ol üşın funksionaldyq mındetterıne kıretın lauazymdy tūlǧalar anyqtaldy. Odan bölek, tauardy jetkızu kezınde önım beruşıler osy saladaǧy monopolist sanalatyn "därılık zattar men medisinalyq maqsattaǧy būiymdardy saraptau ūlttyq ortalyǧy" ŞJQ RMK bergen sapa säikestıgınıŋ sertifikattary men tırkeu kuälıkterın berdı, būl "QAZEKSPOAUDİT" JŞS nemese özge de zerthanalardyŋ medisinalyq maqsattaǧy būiymdarǧa jatatyn jeke qorǧanyş qūralǧa saraptama jürgızuge qūqyǧy joq degendı bıldıredı", - dedı Qalyqova.Sondai-aq, Qalyqova memlekettık satyp aludy jeŋıp alǧan jetkızuşılermen kelıssözderdı Jandarbek Bekşinnıŋ özı jürgızgenın jäne özı jeke qorǧanyş qūraldary jinaǧynyŋ bırneşe türınen Almaty qalasynyŋ sanitariialyq-epidemiologiialyq baqylau departamentıne qoiylǧan jiyntyqty özı taŋdaǧanyn aitty.
"Odan bölek, QR QN säikes 1.03-05-2011 "Qūrylystaǧy eŋbektı qorǧau jäne qauıpsızdık tehnikasy","Jeke qorǧanyş qūrylys qūraldary" tüsınıgı qarastyrylmaǧan, tek "arnaiy kiım" tüsınıgı bar. Sondai-aq, Jandarbek Bekşin sıltep otyrǧan "QAZEKSPOAUDİT" JŞS mamanynyŋ qorytyndysy Almaty qalasynyŋ sanitariialyq-epidemiologiialyq baqylau departamentıne qoiylǧan sapasyzdyq deregınıŋ negızı nemese rastauy bola almaidy, sebebı būl qorytyndyda medisinalyq maqsattaǧy būiymdarǧa qatysty jeke qorǧanyş qūraly qoldanylmaityn normativtık-qūqyqtyq aktıler qoldanylǧan. "QAZEKSPOAUDİT" JŞS şyǧu közı belgısız jeke qorǧanyş qūralyna qatysty zertteuler jürgızgenıne erekşe nazar audarǧym keledı, ötınış beruşı Almaty qalasynyŋ sanitariialyq-epidemiologiialyq baqylau departamentı satyp alǧan JQQ-nyŋ eşqandai qatysy joq himiialyq äserlerden tergeu izoliatorlaryna saraptama jürgızudı sūraǧan jeke tūlǧa boldy", - dedı Äsel Qalyqova.Onyŋ aituynşa, Bekşin sapasyz jeke qorǧanyş qūralyn qoiǧan jetkızuşılerge qatysty sot organdaryna bırneşe talap aryz bergen. Ol "zaŋdy küşıne engen sot şeşımderımen Bekşinnıŋ talaptaryn qanaǧattandyrudan tolyq bas tartylǧanyn" atap öttı. Eske salaiyq, būǧan deiın epidemiologtarǧa satyp alynǧan jetı myŋǧa juyq jeke qorǧanyş qūraly Almatydaǧy qoimada jatqany habarlanǧan bolatyn. Monitoring toby 7 028 bır rettık jeke qorǧanyş qūraly qoimada jatqanyn anyqtaǧan. Bekşinnıŋ sözınşe, būl qūraldardyŋ sapasy naşar. "Būl şaŋnan, kırden, boiaudan saqtauǧa arnalǧan qorǧanys qūraldary, iaǧni, ol qūrylysqa arnalǧan. Olar bärın ötkızedı. Onda tesıkter bar, olarǧa ürlep, su qūiyp körıŋız. Olar virus ötuıne jol bermeuı kerek. Būl qūrylysşylarǧa arnalǧan qorǧanys. Olardy paidalanu qauıptı. Men materialdardy Sybailas jemqorlyqqa qarsy küres departamentıne jıberdım, saraptama jasaldy", - degen edı Bekşin tıkelei efirde.
"Adyrna" ūlttyq portaly
Ūqsas jaŋalyqtar
