Mūndai boljamdy elımızdıŋ bas sanitar därıgerı Jandarbek Bekşin aitty, dep habarlaidy azattyq-ruhy.kz.
«Bızdıŋ boljamymyz boiynşa, 11-16 nauryz aralyǧynda Qazaqstanǧa koronavirus jetuı mümkın. Bır apta keş, bır apta erte. Koronavirus paida bola qalǧan jaǧdaida arnaiy şaralardy qolǧa alamyz», - dedı Jandarbek Bekşin.
Bas sanitar därıger mūndai mälımdemenı jurnalisterdıŋ «Oquşylar men studentter koronavirusqa qaupıne bailanysty qaşyqtan oqu rejimıne auysuy mümkın be?» degen sūraǧyna jauap bergende jasady. Jurnalisterdı alaŋdatqan mäsele - Qazaqstanda COVID-19 infeksiialyq auru tırkelmese de saqtyq şaralary aiasynda oquşylar men studentter qaşyqtan oquǧa daiyndyǧy bolatyn. Bekşinnıŋ aituynşa, koronavirus jūqtyrǧan adam tırkelgen jaǧdaida, Qazaqstan arnaiy şaralar qabyldauǧa saqadai sai.
Sondai-aq bas sanitar därıger Europanyŋ qamsyz jürgen elderınde koronavirus qatty örşıp ketkenın aityp, Qazaqstan saqtyq şaralaryn 2020 jyldyŋ 6 qaŋtarynan bastaǧandyqtan, elde būl infeksiiany jūqtyrǧan adam äzırge tırkelgen joq.
Bas sanitar eldı eleŋdetken mälımdemesınıŋ sebebın tüsındırdı.
«Būl boljam, al boljam degenımız däl kele bermeidı. Qūdai onyŋ betın ary qylsyn. Bıraq bızde ǧylymi top bar, olar virustyŋ kelu qaupın matematikalyq modeldeu arqyly esepteidı. Matematikalyq modeldeu boiynşa bız (Qazaqstan – avt.) şeŋberdıŋ ortasyndamyz, al şeŋber tarylyp keledı. Aldymen virus Qytaida boldy, keiın İran men Oŋtüstık Koreia qosyldy. Qazır bızdı Euroodaq elderı qatty alaŋdatyp otyr. Virustyŋ kelu qaupı bırneşe esege östı», - dep tüsındırdı Bekşin.
Ūqsas jaŋalyqtar
