2021 jyldyń basynan bastap Almaty oblysynda 5 myńǵa jýyq kásipker bıznesti ashý jáne júrgizý boıynsha servıstik qyzmetter men keńester aldy.
Kásipkerlerge «Bıznestiń jol kartasy – 2025» baǵdarlamasy sheńberinde Kásipkerlerige qyzmet kórsetý ortalyqtary arqyly aqysyz negizde qarjylaı emes qoldaý kórsetildi. Osy jyldyń I toqsanynda óńirdiń 635 kásipkerine 637 servıstik qyzmet kórsetilgen, sondaı-aq 4249 kásipker men kásipkerlik bastamasy bar turǵynǵa 4320 konsýltaııalyq qyzmet berilgen.
«Negizinen isin jańa bastaǵan kásipkerler JK, JShS tirkeý nemese qaıta tirkeý, bıznes-jospardy ázirleý, býhgalterlik-salyqtyq esepterdi tapsyrý sııaqty qyzmetterge júginedi. Atalǵan kezeńde Kásipkerler palatasynyń menedjerleri jalpy somasy 5,9 mlrd teńgege 188 bıznes-jospar ázirledi. Onyń ishinde 1,5 mlrd teńgeniń 32 jobasy júzege asyryldy», - dep atap ótti Almaty oblysy Kásipkerler palatasynyń dırektory Áset Shaıahmetov.
Kásipkerler úshin barlyq qajetti qyzmetter óteýsiz bolyp tabylady, olardy oblysymyzdyń barlyq qalalary men aýdandarynda ornalasqan Kásipkerlerge qyzmet kórsetý ortalyqtary men bólimshelerinde kórsetiledi. Sondaı-aq barlyq qyzmetter www.g4b.kz QR UKP platformasy arqyly onlaın rejımde tolyq kólemde usynylady. Bul, ásirese, shekteý sharalary men sanıtarlyq-epıdemıologııalyq jaǵdaıǵa baılanysty asa mańyzdy bolyp tabylady.
