Jańaózende jumysshylar bas kóterdi

1339

Mańǵystaý oblysy, Jańaózen qalasy "Burǵylaý" JShS mekemesiniń aýtsorsıng qyzmetkerleri bas kóterdi, dep habarlaıdy "Adyrna" tilshisi. 

Jumysshylardyń aıtýynsha, aýtsorsıng qyzmetkerleri men shtat qyzmetkerleri birdeı jumys atqarýda. Alaıda, alatyn jalaqylarynyń aıyrmashylyǵy jer men kókteı. Jumysshylardyń janaıqaıynan baıqaıtynymyz, alatyn jalaqynyń mólsherin teń etýi, ıa bolmasa aýtsorsıng qyzmetkerlerin shtattyq qyzmetke alsyn deýde.

Jıynǵa "Burǵylaý" JShS mekemesiniń shtattyq qyzmetkerleri men aýtsorsıng jumysshylary jınaldy. Shaǵymdanýshylardyń jıynynda Jańaózen qalasynyń ákiminiń orynbasary Ǵalym Baıjanov ta boldy.

Turǵyndardyń pikirinshe, bundaı jaǵdaı qaladaǵy mekemelerdiń arasynda jıi oryn alady eken. Búgin de "Mýnaı fıld Servıs" JShS-de de dál osyndaı jaǵdaı oryn aldy.

 

"Adyrna" ulttyq portaly

 

Pikirler
Redakııa tańdaýy