Oral qalasynyń turǵyny áıelin pyshaqtap óltirdi degen kúdikpen ustaldy, dep habarlaıdy jergilikti mgorod.kz basylymy.
Jábirlenýshi aýrýhanaǵa shuǵyl jetkizilgenimen, ol kóp uzamaı qaıtys boldy. Al kúdikti saǵat 17.00 shamasynda Abaı dańǵylyndaǵy Muz saraıy mańynda tutqyndaldy.
"Qazirgi kezde Oral óńirinde aýyr qylmys jasaǵan kúdikti ustalyp, tergeý amaldary júrgizilýde. Oqıǵanyń anyq-qanyǵy naqtylanǵannan keıin qosymsha aqparattar jarııalaımyz", – deıdi polıııa basqarmasy bastyǵynyń orynbasary Nurlan Bısenov.
Aıta keteıik, buǵan deıin Qostanaı oblysynyń turǵyny 21 jastaǵy áıelin sharfpen tunshyqtyryp óltirip, denesin qudyqqa tastap jibergen. Tergeý sharalarynyń nátıjesinde, kúdikti retinde onyń kúıeýi ustalǵan.
