ءوز ايەلىن پىشاقتاپ ءولتىردى دەگەن كۇدىكتى ۇستالدى

1094

ورال قالاسىنىڭ تۇرعىنى ايەلىن پىشاقتاپ ءولتىردى دەگەن كۇدىكپەن ۇستالدى، دەپ حابارلايدى جەرگىلىكتى mgorod.kz باسىلىمى.

جابىرلەنۋشى اۋرۋحاناعا شۇعىل جەتكىزىلگەنىمەن، ول كوپ ۇزاماي قايتىس بولدى. ال كۇدىكتى ساعات 17.00 شاماسىندا اباي داڭعىلىنداعى مۇز سارايى ماڭىندا تۇتقىندالدى.

"قازىرگى كەزدە ورال وڭىرىندە اۋىر قىلمىس جاساعان كۇدىكتى ۇستالىپ، تەرگەۋ امالدارى جۇرگىزىلۋدە. وقيعانىڭ انىق-قانىعى ناقتىلانعاننان كەيىن قوسىمشا اقپاراتتار جاريالايمىز", – دەيدى پوليتسيا باسقارماسى باستىعىنىڭ ورىنباسارى نۇرلان بيسەنوۆ.

ايتا كەتەيىك، بۇعان دەيىن قوستاناي وبلىسىنىڭ تۇرعىنى 21 جاستاعى ايەلىن شارفپەن تۇنشىقتىرىپ ءولتىرىپ، دەنەسىن قۇدىققا تاستاپ جىبەرگەن. تەرگەۋ شارالارىنىڭ ناتيجەسىندە، كۇدىكتى رەتىندە ونىڭ كۇيەۋى ۇستالعان.

پىكىرلەر
ۇقساس جاڭالىقتار