Eŋbek jäne halyqty äleumettık qorǧau ministrlıgı zeinetaqy töleu jüiesıne qatysty maŋyzdy aqparatty jariialady, dep habarlaidy "Adyrna" ūlttyq portaly memlekettık organnyŋ resmi saityna sılteme jasap.
Aita keteiık, 2018 jyly 1 şıldeden bastap memlekettık bazalyq zeinetaqy ärbır adamnyŋ zeinetaqy jüiesındegı täjıribesın eskere otyryp, jeke-dara taǧaiyndalady. Osy jüiege säikes, 1998 jylǧy 1 qaŋtardaǧy jaǧdai boiynşa yntymaqty jüiede jūmys ıstegen uaqyty, sondai-aq mındettı zeinetaqy jarnalary tölengen kezeŋder zeinetaqy jüiesındegı eŋbek ötılıne qosylady.
Osylaişa, zeinetaqy jüiesındegı jūmys ötılı 10 jyl nemese odan az bolǧan jaǧdaida nemese mülde joq bolsa, bazalyq zeinetaqy eŋ tömengı künkörıs deŋgeiınıŋ 54 prosentın (19 myŋ teŋgenıŋ ainalasynda ) qūraidy. Al 10 jyldan asqan är jyl üşın 2 prosent qosylady.
"Mysaly, eger sız 20 jyl qatyssaŋyz, bazalyq zeinetaqy künkörıs deŋgeiınıŋ 74 prosentı, 30 jyl – 94 prosentın, 33 jäne odan da köp jyl jūmys ötılı bolsa, künkörıs qūnynyŋ 100% joǧary mölşerınde belgılenedı. Eger bır ai ışınde memlekettık zeinetaqy jarnalary bırneşe ret Bıryŋǧai jinaqtauşy zeinetaqy qoryna jasalsa, jinaqtauşy jüiege qatysu merzımı bır aidy qūraidy", - deidı ministrlık mamandary.Osylaişa, mındettı zeinetaqy jarnalary neǧūrlym tūraqty jäne tolyq salynatyn bolsa, adam zeinetaqy jasyna jetkende bazalyq zeinetaqy tölemderınıŋ mölşerın soǧūrlym köp alady.
