2020 jyldan bastap Almaty oblysynda «Qarapaıym zattar ekonomıkasy» salalaryn damytý sheńberinde basym jobalardy jeńildikti nesıeleý baǵdarlamasy boıynsha jalpy somasy 57,1 mlrd teńgege 192 joba maquldandy. Agroónerkásiptik keshen, tamaq ónerkásibi, týrızm jáne qyzmet kórsetý, jeńil ónerkásip jáne aǵash óńdeý, ónerkásip, elektr energetıkasy jáne basqa salalardaǵy jobalar jeńildikti nesıe aldy.
Jobalardy iske asyrýǵa monıtorıng júrgizý jáne súıemeldeý maqsatynda «Atameken» kásipkerler palatasynyń janynan Jobalyq keńse qurylyp, onyń jumysyna Almaty oblysynyń Kásipkerlik jáne ındýstrııalyq-ınnovaııalyq damý basqarmasynyń, «Damý» KDQ fılıalynyń, «Agrarlyq nesıe korporaııasy» AQ fılıalynyń jáne ekinshi deńgeıdegi bankterdiń ókilderi tartyldy.
«Jalpy baǵdarlama boıynsha biz quny 86,2 mlrd teńge bolatyn 265 jobadan turatyn jobalar tizilimin ázirledik. Baǵdarlamanyń operatorlary ekinshi deńgeıli bankter men Agrarlyq nesıe korporaııasy bolyp tabylady. Búgingi tańda bankter men Agrarlyq nesıe korporaııasy tarapynan jalpy somasy 57,1 mlrd teńgege 192 joba maquldandy. Kásipkerlik sýbektileri qarajatty óndiris ornyn keńeıtýge, mal men tehnıkany satyp alýǵa, kóktemgi egis jumystaryna aldy. Qazirgi tańda taǵy 21 joba qarastyrylý ústinde. 38 joba boıynsha qujattar jınalyp, bıznes-josparlar jasalýda», - dep atap ótti Almaty oblysy Kásipkerler palatasynyń dırektory Áset Shaıahmetov.
Mysaly, baǵdarlama boıynsha Taldyqorǵan qalasyndaǵy «Jumaǵalı» sharýa qojalyǵy dándi (kúrishten basqa), burshaq jáne maıly daqyldardy ósirýge 75 mln teńge aldy. Talǵar aýdanynda keńselik jáne stýdııalyq jıhaz óndiretin «P. T. Z.» JShS zaýyty 500 mln teńgege qarjylandyrylyp, búginde óndirisin keńeıtý men ónim jınaǵyn úlkeıtýde. Baǵdarlamanyń arqasynda Eńbekshiqazaq aýdanyndaǵy «Altaır» óndiristik kooperatıvine qurastyrmaly temirbeton jáne beton konstrýkııalar men buıymdar óndirisin iske qosý úshin 135 mln teńge kóleminde jeńildetilgen nesıe berildi. Kegen aýdanynda «Tasbulaq» JShS 8,8 mln teńgege jylqy satyp alyp, mal fermasyn ashty.
Esterińizge sala keteıik, «Qarapaıym zattar ekonomıkasy» salalaryn damytý aıasynda basym jobalarǵa jeńildikti nesıe berý baǵdarlamasy elimizde 2019 jyly iske qosyldy.
