«Halyq» qaiyrymdylyq qory elımızdıŋ köptegen azamattary üşın özgerıster men ümıttıŋ negızı boldy. Qūrylǧaly berı bılım beru, äleumettık qorǧau, sport, tötenşe jaǧdai salalaryndaǧy qaiyrymdylyqqa 85 mlrd teŋgeden astam qarjy böldı.
Onyŋ ışınde bılım beruge köp nazar audarady. 2020 jyly qor mektep oquşylary men kolledj studentterıne arnalǧan Qazaqstandaǧy alǧaşqy «Ozgeris powered by Halyk Fund» onlain biznes-inkubatoryn ıske qosqan bolatyn.
Osy joba aiasynda 2023 jyldan berı «Tälımger» jobasyn qolǧa alyp, ekınşı jyl qatarynan mūǧalımder men 14 pen 18 jas aralyǧyndaǧy jastar üşın jazǧy bılım beru lagerın ūiymdastyrady. Jazǧy lagerdıŋ erekşelıgı mūnda balalar syni jäne strategiialyq oilau, köşbasşylyq, qarjylyq sauattylyq, emosionaldy intellekt syndy äleumettık jobalau baǧdarlamalaryn üirenedı. Biyl lager 200-den asa qatysuşyny qabyldady. Olardyŋ barlyǧy respublikalyq ärı auyl oquşylaryna arnalǧan ūlttyq olimpiadalardyŋ jeŋımpazdary, türlı jobalardyŋ belsendı qatysuşylary.
Jazǧy lager 16-25 mausym aralyǧynda Aqmola oblysy, Zerendı audany, Zerendı auylyndaǧy sauyqtyru keşenınde öttı.
Lagerdıŋ basty baǧyty – bılım beru, sondyqtan kün saiyn balalarǧa öz salasynyŋ üzdık mamandary treningter, şeberlık sabaqtary, motivasiialyq därıster ötkızdı. Sondai-aq Asaubek Aiymbetov, Serıkzat Düisenǧazy syndy qonaqtar özderınıŋ ömırlık täjıribesın bölısedı. Elımızdıŋ estrada jūldyzdarynyŋ qatysumen konsert ūiymdastyryldy.
Jobanyŋ maqsaty – jastar arasynda käsıpkerlık äleuettı damytu, biznes-oilau daǧdylarynyŋ, kreativtılıktıŋ, komandada jūmys ıstei bıludıŋ, taim-menedjmenttıŋ jäne sendıru qabıletınıŋ zamanaui maŋyzdylyǧyn tüsındıru. «Halyq» qaiyrymdylyq qory jazǧy lager barysynda daryndy balalar men jastar qoǧamdastyǧyn qūryp, qatysuşylarǧa ärı qarai damuy üşın ömırlık daǧdylardy üiretudı közdeidı.
Qor qazırgı uaqytta millionnan astam balalar men jastardy qamtyp, elımızdıŋ bolaşaq köşbasşylary men mamandaryn damytu üşın jūmys ısteidı. Elımızdıŋ damuyna öz ülesın qosqysy keletın oi-örısı joǧary jastarǧa qoldau körsetedı.
Ūqsas jaŋalyqtar
