Bügın qalada «Jaily mektep» ūlttyq jobasy aiasynda salynǧan ekı mektep paidalanuǧa berıldı. Almaly auyldyq okrugı Bereke auylynda 1200 oryndyq №47 orta mektep, Saryözek yqşamaudanynda 300 oryndyq №46 orta mektep aşyldy,-dep habarlaidy oblys äkımınıŋ baspasöz qyzmetı.
Bılım ordalarynyŋ aşylu saltanatyna oblys äkımı Serık Şäpkenov qatysyp, tūrǧyndardy jaŋa mektepterdıŋ aşyluymen qūttyqtady.
- Memleket basşysy Qasym-Jomart Kemelūly Toqaev orta bılımnıŋ sapasy tabysty ūlt boludyŋ taǧy bır maŋyzdy şarty ekenın aityp, är oquşynyŋ sapaly bılım aluyna, jan-jaqty damuyna qolaily jaǧdai jasaudy tapsyrdy. Bügın esıgın aşatyn bılım ordasynda şäkırtterdıŋ barlyq pändı oqyp-üirenuıne, ūstazdardyŋ şyǧarmaşylyqpen ainalysuyna tolyq jaǧdai jasaldy. Būl mektepte mūǧalım men oquşynyŋ, mektep pen ata-ananyŋ bailanysy artyp, bılımdı de talantty, sanasy sergek, oiy ūşqyr, bäsekege qabılettı jas ūrpaq tärbielenıp şyǧaryna senım mol,-dedı S.Şäpkenov.
Jaŋa mektepterde ekı auysymda oqityn 3000 balaǧa 120-dan astam ūstaz bılım beredı.
Balasyn mektepke jetektegen ata-analardyŋ arasynda Bereke auylynyŋ tūrǧyny Hanşaiym Köpbergenova bar. Ol segız nemeresın de №47 bılım ordasyna ornalastyrypty. Äjeidıŋ quanyşynda şek joq, sebebı endı nemerelerı zamanaui jaraqtalǧan mektepte bılım alady.
- Bügın köpten kütken mektep aşyldy. Onyŋ qūrylysy bastalyp, aiaqtalǧanǧa deiın kuä boldyq. Endı balalardy qabyldap jatyr. Men de, basqa ata-analar da dän rizamyz, sebebı būǧan deiın nemerelerım osy auyldaǧy mektepte oqydy, bıraq oryn sany tapşy edı. Bügın sol mäsele şeşılgendei, jaŋa mektepke ornalasyp jatyrmyz. Balalarymyzdyŋ zeiını aşylsyn. Elımızdıŋ maqtanyşy bolsyn,-dedı H.Köpbergenova.
Mektepterge Jedel basqaru ortalyǧyna qosylǧan beinebaqylau kameralary ornatylyp, erekşe bılım berudı qajet etetın balalar üşın kedergısız orta qalyptastyryldy. Bastauyş jäne joǧarǧy synyp oquşylary üşın bölek bloktar salynǧan.
Mektep aumaǧy 2 jügıru jolaǧymen, basketbol, voleibol alaŋdarymen, tennis kortymen, oiyn jäne workout alaŋdarymen jabdyqtalǧan.
Mektep ǧimaratynda 2 sport zal, bastauyş jäne joǧary synyp oquşylaryna arnalǧan ekı ashana, 260 oryndyq akt zal jäne kıtaphana bar.
Sonymen qatar psiholog, logoped, medisinalyq kabinetterımen, zamanaui ülgıdegı oqu synyptarymen, fizika, himiia zerthanalarymen jäne STEM kabinetterımen jaraqtalǧan.
«Jaily mektep» ūlttyq jobasy aiasynda osy jyldyŋ soŋyna deiın taǧy üş mektep paidalanuǧa berıledı.
2025 jyldyŋ aiaǧynda jaily mektepterdıŋ sany 12-ge jetıp, 12 myŋnan astam oquşy sabaqqa barady.
Ūqsas jaŋalyqtar
