"50 úzdik ǵylymı qyzmetkerge 5 mln teńge kóleminde syıaqy taǵaıyndalady"

3425
Adyrna.kz Telegram

Jyl saıyn 50 úzdik ǵylymı qyzmetkerge 5 mln teńge kóleminde syıaqy taǵaıyndalady. Bul týraly bilim jáne ǵylym mınıstri Ashat Aımaǵambetov Facebook paraqshasynda jazdy, dep habarlaıdy "Adyrna" ulttyq portaly.

Ashat Aımaǵambetov 12 cáýir - Qazaqstandaǵy ǵylym qyzmetkerleriniń kúni ekenin habarlady.

"12 sáýir – Ǵylym akademııasynyń tuńǵysh prezıdenti, kórnekti ǵalym-geolog Qanysh Sátbaevtyń dúnıege kelgen kúni. Ǵylymdy respýblıkalyq bıýdjetten qarjylandyrý kólemi sońǵy eki jylda shamamen eki esege artty. 2025 jylǵa qaraı ǵylymdy qarjylandyrý kólemin jalpy ishki ónimniń 1% deıin ulǵaıtý josparlanǵan. Bul – otandyq ǵylymnyń damýyna úlken serpin bereri sózsiz. Eger buǵan deıin bilim jáne ǵylym mınıstrliginiń granttyq jáne baǵdarlamalyq-nysanaly qarjylandyrýǵa arnalǵan konkýrstary úsh jylda bir ret júrgizilse, endi olar jyl saıyn ótkiziletin bolady. Tek 2020 jyly 5 konkýrs ótkizilgenin atap ótý qajet, – dedi ol.

Aımaǵambetovtiń aıtýynsha, byltyr doktoranttardyń stıpendııasy 80 paıyzǵa kóbeıgen.

"Taǵy bir mańyzdy jaıt, 2020 jyly alǵash ret granttardyń jańa túrleri bekitildi. Olar – kollaboraııa boıynsha, qysqa merzimdi, jeke, jas ǵalymdarǵa arnalǵan jáne t.b granttar. Sondaı-aq doktoranttardyń stıpendııasy 80%-ǵa ulǵaıdy. Budan bylaı olardyń stıpendııasy jyl saıyn 15%-ǵa ósip otyrady jáne 2025 jylǵa qaraı 260 myń teńgeni quraıtyn bolady, – dep jazdy mınıstr.

Onyń aıtýynsha, endi jyl saıyn 50 úzdik ǵylymı qyzmetkerge 5 mln teńge kóleminde syıaqy taǵaıyndalady.

"2021 jyldan bastap biz myqty, bedeldi ǵylymı jýrnaldardy qoldaý jónindegi jobany iske asyrýdy bastaımyz. Taǵy bir jańalyq – endi jyl saıyn 50 úzdik ǵylymı qyzmetkerge 5 mln teńge kóleminde syıaqy taǵaıyndalady. Mundaǵy mehanızm "JOO úzdik oqytýshysy" konkýrsyna uqsas bolady. Bul "Ǵylym týraly" zańǵa engizilgen jańa túzetýlerge sáıkes múmkin bolyp otyr, – dedi Aımaǵambetov.

Sonymen qatar mınıstr "Jas ǵalym" jobasy aıasynda 1 myń grant bólý boıynsha jumystar qolǵa alynatynyn jazdy.

"Memleket basshysy Qasym-Jomart Kemeluly Toqaevtyń qoldaýymen 2020 jyly bilim jáne ǵylym mınıstrligine qarasty ǵylymı uıymdardyń materıaldyq-tehnıkalyq bazasyn nyǵaıtý jáne jumysyn jandandyrýǵa baǵyttalǵan jańa bıýdjettik baǵdarlama ashylyp, 2,8 mlrd teńge bólindi. Nátıjesinde 23 ǵylymı-zertteý ınstıtýtyna jabdyqtar satyp alyndy. Bıyl osy maqsatta 3,5 mlrd teńge bólindi. Sondyqtan ınstıtýttardy modernızaııalaý boıynsha jumys ári qaraı jalǵasady.

Bıyldan bastap 500 ǵalymdy álemniń jetekshi ǵylymı ortalyqtaryna taǵylymdamalardan ótýge jiberý jáne "Jas ǵalym" jobasy aıasynda 1 myń grant bólý boıynsha jumystar qolǵa alynady. Odan bólek, elimizdegi 20 ýnıversıtet "Akademııalyq artyqshylyq ortalyqtary" jobasy aıasynda qarjylandyrýǵa ıe bolady. Iaǵnı bul – jıyrma oqý orny materıaldyq-tehnıkalyq bazasyn aıtarlyqtaı jańartýǵa múmkindik alady degen sóz" delingen bilim jáne ǵylym mınıstriniń jazbasynda.

"Adyrna" ulttyq portaly

Pikirler