Foto: Pavlodar oblysynyŋ prokuraturasy
Pavlodar oblysynda keiıngı üş jylda salynǧan 30 nysan tekserılıp, qūrylys kezınde bırqatar zaŋbūzuşylyq anyqtaldy, dep habarlaidy “Adyrna”.
Sonyŋ saldarynan memleket biudjetıne 484 mln teŋgeden astam şyǧyn kelgen. Būl turaly oblystyq prokuratura aqparat taratty.
Tekseru barysynda qūrylys basqarmasynyŋ lauazymdy tūlǧalary oryndalmaǧan jūmystardy qabyldap, olardyŋ aqysyn tölegenı belgılı boldy. Sondai-aq merdıgerlerden kelısımşart talaptaryn būzǧany üşın ösımpūl öndırılmegen.
Būdan bölek, merdıgerler qūrylys materialdary men jabdyqtardy joba talaptaryna sai kelmeitın arzan önımderge almastyrǧan. Mäselen, jobada metall şatyr jabyndysynyŋ qalyŋdyǧy 0,7 millimetr boluy kerek bolsa, ıs jüzınde 0,5 millimetrlık material qoldanylǧan. Al qabyrǧalardy penopleks materialymen qaptaudyŋ ornyna kädımgı penoplast paidalanylǧan.
Ambulatoriialarda sertifikattalǧan medisinalyq şamdardyŋ ornyna keŋselerge arnalǧan qarapaiym LED-şamdar ornatylǧan.
Sonymen qatar №1 Pavlodar qalalyq auruhanada montajdalmaǧan jäne ıske qosylmaǧan jabdyqtar qabyldanǧan. Operasiialyq bloktardyŋ bır bölıgı paidalanuǧa daiyn bolmaǧan. Qymbat medisinalyq jabdyqtar qaptamasynan şyǧarylmai, öndırıstık liftıler men jeldetu jüiesı de ıske qosuǧa äzırlenbegen.
Qazır anyqtalǧan derekter boiynşa äkımşılık jäne qylmystyq ıster qozǧalǧan. Ärbır zaŋbūzuşylyq jeke qaralyp jatyr.
Oblystyq qūrylys basqarmasy basşysynyŋ orynbasary Azat Satabaev barlyq eskertu qabyldanyp, olardy joiu jūmystary jürgızılıp jatqanyn aitty. Onyŋ sözınşe, kepıldık mındettemelerın oryndatu maqsatynda sot talqylauy bastalǧan. Nysandar boiynşa kepıldık merzımı – 10 jyl.
