Qurmetti qazaqstandyqtar, Sizderge osydan eki jyl buryn Qazaqstan boıynsha úlken rezonans týdyrǵan oqıǵadan japa shegýshiler úndeý jasap otyrmyz!
Naqty aıtqanda 2019 jyly biz - «Kaspıı bank» qyzmetkeri bolǵan Rýslan Seksembaevqa aldanyp, san soǵyp qalǵan júzge jýyq pavlodarlyqtarmyz. Ol kezde bárińiz bilesizder ony ustaý úshin bank on mıllıon teńge syıaqy da jarııalaǵan edi. Sonda biz alaıaqtyń ustalǵanyna da qýanǵan bolatynbyz.
Qazirgi tańda eńkeıgen qarttan, eńbektegen sábıge deıin biletin «Kaspıı bank» basshylyǵy búkil japa shegýshilerdiń qarajatyn qaıtaryp beremiz degen ýádesinde ishinara turdy deýge bolady. Isti tergeý barysynda Rýslan Seksembaevtyń barlyq aıla-sharǵylardy qýlyqpen atqanǵandyǵy tolyq dáleldendi. Birinshi sot ınstanııasy da ony kináli dep úkim shyǵaryp, toǵyz jylǵa bas bostandyǵyn aıyryp, barlyq shyǵyndardy óteýge mindettedi.
Alaıda Rýslan Seksembaev sot úkimimen kelispeı júzge tarta adamdy oǵan jala jaýyp otyr degen jeleýmen isti qaıta qaraýǵa shaǵym túsirgen. Búgingi tańda is appelıaııalyq sotta qaralý ústinde. Birinshi tyńdaýlar ótti. Jáne sodan keıin biz Rýslan Seksembaevtyń eshqandaı ókinip, qanshama adamnyń qarajatyn qoldy qylyp, qanshama materıaldyq, moraldyq, tipti densaýlyqtaryna zııan keltirgendigin túsinbeı otyrǵandyǵyn sezindik.
Aramyzda tipti sol kezde júkti bolyp, osyndaı sumdyq jaǵdaıǵa tap bolǵanyn estigen soń, stress saldarynan ishindegi balasy merziminen erte týylyp, múgedek te bolyp qalǵan áıel bar. Alaıaqtyń osyndaı sumdyq jaǵdaılardyń ózi oılandyrmaǵany, jáne tipti eshqandaı aıaýshylyq sezim týdyrmaǵany bizdi atalmysh qadamǵa barýǵa ıtermeleýde.
Úndeýimizge qoldaý kórsetý arqyly japa shegýshilerdiń jan aıqaıy, qınalysy men kúdigi seıilip appelıaııalyq sot barynsha ádil sheshim shyǵarady degen oıdamyz. Sizderden qoldaý kútemiz!
Daıyndaǵan: Ońǵar QABDEN,
«Adyrna» ulttyq portaly
