Qazaqstannyŋ halyq jazuşysy, Qazaqstan Memlekettık syilyǧynyŋ iegerı Qabdeş Jūmadılov qaitys boldy, dep habarlaidy "Adyrna" ūlttyq portaly.
Qaraly habarǧa qaiǧyra köŋıl aitqan aqparat ministrı Aida Balaeva öz facebook paraqşasynda pıkır qaldyrdy.
"Belgılı jazuşy, körnektı qalamger, Qazaqstannyŋ halyq jazuşysy Qabdeş Jūmadılov aǧamyzdyŋ dünieden ozuyna bailanysty marqūmnyŋ otbasy men jaqyn-tuǧandarynyŋ qaiǧylaryna ortaqtasyp köŋıl aitamyn. Qabdeş aǧamyz bükıl sanaly ǧūmyryn elımızdıŋ ruhaniiaty men ūlttyq ädebietımızdı damytuǧa arnap, körkem roman jazu därejesın jaŋa beleske kötergen degdar jazuşy, qarymdy qoǧam qairatkerı edı. Közı tırısınde zor şyǧarmaşylyq oi-örısımen, tereŋ parasatymen halqynyŋ ülken ıltipatyna bölenıp, artyna öşpeitın ruhani mūra, örıstı önege qaldyrdy. Ardaqty aǧamyzdyŋ jarqyn beinesı men ūlttyq ruhaniiattaǧy orny qalyŋ qauymnyŋ jüregınde mäŋgi saqtalady dep senemın. Marqūmnyŋ jatqan jerı jaryq, topyraǧy torqa bolyp, nūry peiışte şalqysyn", -dep jazdy ministr.Qabdeş Jūmadılov 1936 jyly 24 säuırde Şyŋjaŋ ölkesınıŋ Tarbaǧatai aimaǧy, Maldybai auylynda düniege kelgen. Auylda bastauyş bılım alyp, keiın Şäueşek gimnaziiasyn bıtıredı. 1956 jyly Qytai ükımetınıŋ joldamasymen Almatyǧa kelıp, Qazaq memlekettık universitetınıŋ filologiia fakultetıne oquǧa tüstı. Alaida universitettıŋ ekınşı kursynan keiın ekı el arasyndaǧy saiasi jaǧdaiǧa bailanysty kerı şaqyrylyp, 1958–1962 jyldar aralyǧynda Qytaida quǧyn-sürgınge ūşyrady. 1962 jyly imperiia şekarasyn būzyp ötken qazaq köşımen bırge atamekenge qaityp oralyp, QazMU-degı aiaqtalmai qalǧan oquyn qaita jalǧap, 1965 jyly bıtırıp şyqty. «Qazaq ädebietı» gazetınde (1965–1967), «Jazuşy» baspasynda (1967–1976), Memlekettık baspalar komitetınde (1976–1981) jauapty qyzmetter atqardy.
"Adyrna" ūlttyq portaly
