Shymkent qalasynyń ákimi Murat Áıtenov búgin kásipkerlik nysandaryn aralaý barysynda «qalany óz ónimimen tolyqtaı qamtamasyz etýimiz kerek» dedi.
«Tassaı» ındýstrıaldy aımaǵynda ornalasqan kásiporyndardyń biri - «KAZTEHNIKAS» JShS-y. Munda jaryqdıodty shamdar óndiriledi. «Bıznestiń jol kartasy -2020» baǵdarlamasymen ındýstrıaldy aımaqtan 1,5 gektar jer bólingen.
Quny 500 mıllıon teńgeni quraıtyn bul joba 2020 jyly bastaý alyp, bıyl iske qosyldy. Qazir mekemede 25 qala turǵyny jumys jasaıdy.
Zaýyt jylyna 20 myń dana jaryqdıodty sham óndirýge qaýqarly. Shamdardyń sapasy óndirilgennen keıin sý ishinde 5 mınýt turady da, keıinnen iske qosý arqyly tekseriledi eken. Iaǵnı sýǵa tózimdiligi anyqtalyp baryp, satylymǵa shyǵarylady.
Sonymen qatar, munda temir sóreler de jasalady eken.
- Shymkentte kásibin bastaımyn degenderge múmkindik kóp, qanshama memlekettik baǵdarlamalar qolǵa alyndy. Zaýyt, fabrıka asham dep nıet bildirgenderdi qoldaýǵa árdaıym daıynbyz. Sebebi qalany óz ónimimen qamtamasyz etip, otandyq ónim retinde shetelge de tanytýymyz qajet. Osy arqyly turǵyndardyń ál-aýqatyn kótere alamyz. Myna dıodty shamdardy qala kósheleriniń barlyǵyna, ásirese turǵyndar kóptep júretin saıabaq, alleıalarǵa qoıý kerek. Ári jaryq, ári ekonomdy bolmaq. Osy oraıda jergilikti qurylys kompanııalaryn birlese jumys isteýge shaqyramyn, - dedi Murat Áıtenov.
Óndiris orny aldaǵy ýaqytta memlekettik qoldaý arqyly ónim kólemin ulǵaıtyp, eksportqa shyǵarýdy josparlap otyr.
Shymkent qalasy ákimdiginiń baspasóz qyzmeti
