28-naýryz kúni Ózbekstan astanasy Tashkent qalasyndaǵy Ámir Temir dańǵylynyń boıynda 3-4 azamat kóshede ketip bara jatqan qyz ben jigitti LGBT ókilderi dep oılap, olarǵa shabýyl jasaǵan. Bul týraly rolıkter ınternet jelisinde tez tarap ketti.
"Ózbekstan jańǵyryǵy" Telegram kanaly bir top er azamattyń jol jıeginde urandatyp bara jatqanyn kórsetken. Beınerolık avtorlary azamattar 26-naýryzda Tashkentte bir top jastyń anıme jankúıerleri retinde bas qosýyna qarsylyq bildirip, kóshege shyqqan dep atady. Jergilikti BAQ-tyń habarlaýynsha mıtıngke 70 shaqty azamat qatysqan.
Quqyq qorǵaý organdary tártip buzǵan 12 azamatty ustaǵan. Olarǵa "buzaqylyq" baby boıynsha aıyp taǵylǵan. Jergilikti polıııa ókilderi qyz ben jigitti 3-4 azamat soqqyǵa jyqpaq bolǵanyn, olardyń bul áreketin qoldap, 20-25 jigittiń tártipsizdikke qosylǵanyn aıtty. Barlyq qorǵaý sharalaryna qaramastan sol kúni keshke anıme keshin uıymdastyrmaq bolǵan tanymal bloger Mırazız Bazarov soqqyǵa jyǵyldy.
Ashat QASENǴALI,
"Adyrna" ulttyq portaly
