AQŞ senaty prezident Donald Tramptyŋ İranǧa qarsy äskeri ıs-qimyldaryn Kongress rūqsatynsyz jürgızu qūqyǧyn şekteuge baǧyttalǧan rezoliusiiany qaita qoldamady, dep habarlaidy "Adyrna" ūlttyq portaly.
Qūjatty 47 senator qoldap, 52-sı qarsy dauys bergen.
Atalǧan bastama demokrattar tarapynan ūsynylǧan. Olar äskeri äreketterdı Kongrestıŋ resmi kelısımınsız jalǧastyruǧa bolmaitynyn alǧa tartyp otyr. AQŞ Konstitusiiasyna säikes, soǧys jariialau qūqyǧy Kongreske tiesılı.
Alaida Aq üi men respublikaşyldar prezidenttıŋ äreketterın zaŋdy dep sanaidy. Olardyŋ pıkırınşe, memleket basşysy bas qolbasşy retınde belgılı bır şekteulı operasiialardy Kongress rūqsatynsyz jürgıze alady.
Senattaǧy pıkırtalas barysynda halyqaralyq qatynastar komitetınıŋ töraǧasy Djim Riş demokrattardy synap, olardy İrandy qoldap otyr dep aiyptady. Al qaruly küşter komitetındegı jetekşı demokrat Djek Rid kerısınşe, ärıptesterın qaqtyǧysty uşyqtyrmai, beibıt joldy taŋdauǧa şaqyrdy.
Qoǧamdyq pıkır de ekıge bölıngen. Saualnama derekterıne säikes, amerikalyqtardyŋ 60%-y İranǧa qarsy äskeri äreketterge qarsy. Degenmen, būl mäsele partiialyq ūstanymǧa bailanysty özgeredı: respublikaşyldardyŋ basym bölıgı Trampty qoldasa, demokrattardyŋ az ǧana bölıgı kelısedı.
