Elımızdegı koronavirusqa qatysty ahualdyŋ kün sanap naşarlanyp bara jatqany jūrtty alaŋdata bastady. Bırneşe qalamyz qyzyl aimaqqa endı. Būl turaly resmi bilık ökılderı de mälımdedı. Soǧan qaramastan Qazaqstandaǧy keibır mektepterde oquşylar baryp-kelıp bılım aluda.
Balasynyŋ sabaq oquy üşın mektepke baryp keluı kez kelgen ata-ana üşın üreige ainala bastady. Öitkenı däl qazırgı kezde balalar arasynda da koronavirusten bölek basqa da jūqpaly aurulardyŋ tarap, örşitın kezeŋı. Äleumettık jelılerde de saqtyq şaralary üşın oquşylar qaşyqtyqtan bılım alsyn dep talap qoiyp jatqandar jeterlık. Mäselen, Facebook-taǧy «Qazaqstan ūstazdary» tobynda:
«Epidemiologiialyq jaǧdaidy eskerıp mekteptegı oqudy onlainǧa köşırgen dūrys dep oilaimyn. Būl - barlyǧymyzdyŋ qauıpsızdıgımız üşın maŋyzdy. Osy jerde dabyl qaǧyp, mäselenı köterıp otyrǧan ata-analar men mūǧalımderdı qoldaimyn. Adam ömırı men densaulyǧy bärınen qymbat!» degen jazbaǧa qatysty jūrtşylyq qoldau pıkırın jazysuda.
«Kovid pe, basqa ma, bılmeimın, taiauda ǧana 4 jasar ūlym taban astynda qyzuy köterılıp, mazasy qaşty. Älgınde ǧana oinap otyrǧan ūlymnyŋ qyzuy tüspei, denesın qyzyl tüiırşık börtpeler basty. Şūǧyl därıgerge qarattyq. Sol kezde därıgerımız 10 jasqa deiıngı balalar arasynda osyndai jūqpaly virus qatty jürıp jatqanyn aitty. Aitsa, aitqanyndai, kelesı künı 9 jasar qyzyma jabysty älgı auru. Bız äbıgerge tüsıp jatqanda, auyldaǧy kelınım de 2 jasar jäne 8 ailyq balalarynyŋ osyndai aurumen auyryp bastaǧanyn aitty. Demek, mynadai şaqta balany mektepke jıberıp, abyroi tappaitynymyz anyq. Soŋǧy toqsandy qaşyqtyqtan oqyta salǧanymyz dūrys»,- deidı şymkenttık ata-ana Tolqynai Baqytbekqyzy.
Osyǧan deiın de negızgı toqsandardy qaşyqtyqtan oqytqan Qazaqstan mektepterın soŋǧy 4-şı toqsanda aşudyŋ maŋyzy qanşalyqty salmaqty? Ekı aiǧa jeter-jetpes uaqytta mektepke baryp bılım alady degen balalarymyzdyŋ densaulyǧyna qauıp tönse, ne bolmaq? Älde būl sūraqqa qatysty halyq densaulyǧyna jauapty ökılderdıŋ naqty aitary bar ma eken?
Mūqaş MŪRATŪLY,
"Adyrna" ūlttyq portaly.
Ūqsas jaŋalyqtar
