Semeıde oqýshyǵa qol kótergen ofıer-tárbıeshi qyzmettik tergeý nátıjesinde sógis alǵan, dep habarlaıdy "Adyrna" ulttyq portaly.
Er adam 2022 jyldyń qarasha aıynda 8-synyp oqýshysyn basynan urǵan.
Áleýmettik jelilerdi baqylaý kezinde 2022 jyldyń qarasha aıynda túsirilgen vıdeo anyqtalǵan.
“Vıdeoda ofıer-tárbıeshi A.K.S stýdent R.D.T-ǵa qarsy kúsh qoldanǵany anyq kórsetilgen. Tárbıeshi pedagogıkalyq ádep keńesine shaqyrylyp, oǵan sógis túrindegi tártiptik jaza taǵaıyndaldy”, – dep habarlady Abaı aýdandyq bilim basqarmasynyń baspasóz qyzmeti.
Jelidegi jazbada anyqtalǵandaı, ofıer-tárbıeshi oqýshyǵa óz betinshe daıyndyq kezinde úlgerimi úshin sógis jarııalap, artynsha onyń jelke tusynan alaqanymen eki ret urǵan.
Bilim basqarmasy pedagogtiń oqýshynyń densaýlyǵyna eshqandaı zııan keltirmegenin jáne medıınalyq kómekke júginbegenin, al oqýshynyń ata-anasy muǵalimge eshqandaı aryz jazbaǵanyn atap ótti.
"Sonymen qatar mundaı áreketterdiń aldyn alýǵa baǵyttalǵan bilim berý qyzmetkerlerimen jalpy jınalys ótkizildi. Lıeı dırektorynyń tárbıe isi jónindegi orynbasary men áleýmettik pedagogke qyzmetkerlermen profılaktıkalyq jumysty kúsheıtý tapsyryldy", – dep atap ótti bilim basqarmasynda.
