«Samuryq-Qazyna» ulttyq ál-aýqat qory» akıonerlik qoǵamy basqarmasynyń tóraǵasy Ahmetjan Esimov qyzmetinen bosatyldy, dep habarlaıdy «Adyrna» tilshisi.
Nursultan Nazarbaev A.Esimovtiń basshylyǵymen «Samuryq-Qazyna» ulttyq ál-aýqat qory damýdyń jańa sapalyq deńgeıine kóterilip, BUU esebinde aldyńǵy qatarly halyqaralyq úzdik jıyrma qordyń qataryna qosylǵanyn atap ótti. Bul týraly Elbasynyń resmı saıty jazdy.
Ulttyq ál-aýqat qoryn basqarý jónindegi keńestiń Tóraǵasy bul nátıje negizinen A.Esimovtiń joǵary jaýapkershiligi men zor kásibı tájirıbesiniń arqasynda múmkin bolǵanyn aıtty.
Sondaı-aq A.Esimovtiń basqa da mańyzdy memlekettik laýazymdarda júktelgen mindetterdi barynsha tıimdi oryndaǵanyna toqtaldy.
Óz kezeginde A.Esimov ózine artylǵan joǵary senimi úshin Elbasyǵa alǵys aıtty. Ol Qordyń jetken jetistikteri Tuńǵysh Prezıdenttiń halyqtyń turmysyn jaqsartý jáne memleketimizdi gúldendirý baǵytynda júrgizgen saıasatynyń arqasynda elimiz qol jetkizgen tolaǵaı tabystyń shaǵyn bir bóligi ǵana ekenin atap ótti.
«Adyrna» ulttyq portaly
