Depýtat Shyǵys Qazaqstan oblysynyń Tarbaǵataı aýdanyndaǵy aýylǵa Nazarbaevtyń esimin berýdi usyndy, dep habarlaıdy Altaynews.
Tarbaǵataı aýdandyq máslıhatynyń depýtaty Qaırat Dakerov Qazaqstan prezıdenti Qasym-Jomart Toqaevqa, premer-mınıstr Asqar Mamınge, májilis tóraǵasy Nurlan Nyǵmatýlınge, ShQO ákimi Danıal Ahmetovke jáne turǵyndar nazaryna ashyq hat joldady.
21 naýryzda jazylǵan úndeýde avtor el Táýelsizdiginiń 30 jyldyǵy qarsańynda Aqjar aýylyna Nursultan Nazarbaevtyń esimin berip, aýylǵa aýdan ortalyǵy statýsyn qaıtarý týraly jazady.
"Táýelsizdigimizdiń 30 jyldyǵy qarsańynda Elbasymyz Nursultan Nazarbaevtyń eńbegin keleshek urpaqqa máńgilik etý maqsatynda 1997 jylǵa deıin shekarada jatqan burynǵy Tarbaǵataı aýdany ortalyǵy bolǵan Aqjar aýylyna aýdan ortalyǵy statýsyn qaıtaryp, qazirgi Tarbaǵataı aýdany Aqsýat aýylynan Aqjar aımaǵyn bólip, burynǵysha eki aýdan retinde qalpyna keltirip, Elbasymyzdyń atyna berse degen usynys bar", - deıdi Tarbaǵataı aýdandyq máslıhatynyń depýtaty Qaırat Dakerov.
Sondaı-aq avtor Tarbaǵataı aýdany halqynyń Elbasynyń eńbegin joǵary baǵalaıtynyn aıtyp ótken.
"Aýdanymyz Qytaı Halyq Respýblıkasymen shekarada ornalasqan, Elbasymyzdyń kóregen, sarabdal saıasatynyń arqasynda, jeke bedeliniń nátıjesinde kórshiles Reseı, Qytaı, Ózbekstan, Qyrǵyzstan elderimen shekaramyz dellımıtaııa jasalyp, demorkaııalandy", - dep tolyqtyrdy depýtat.
Depýtattyń bul bastamasyn qoǵam belsendisi, aýdannyń týmasy Ermek Qurmanǵalı da qostap otyr. Bul týraly oıyn belsendi óziniń áleýmettik jelidegi paraqshasynda jazdy.
"Elbasynyń Qytaımen shekarany shegendep bergen eńbeginiń qurmetine bir aýdandy Elbasynyń atymen ataǵanda turǵan eshteńe joq. 1997 jyly Aqsýat aýdanyna qosylyp ketken Tarbaǵataı aýdanyn jeke aýdan retinde qaıtaryp, ortalyǵyn qaıtadan Aqjar aýyly etý kerek. Jańadan qurylǵan aýdanǵa Táýelsizdigimizdiń 30 jyldyǵy mereıtoıy qarsańynda Elbasymyz Nursultan Ábishuly Nazarbaevtyń atyn berip, Aqjar aýylyna Elbasynyń bir eńseli eskertkishin ornatý kerek", - deıdi qoǵam belsendisi.
Sondaı-aq aýyldyń ortasyndaǵy Jambyl kóshesin Nazarbaev kóshesine aýystyrý usynysyn da jasady (Tarbaǵataıda Jambyl atamyzdyń atynda aýyl da, mektep te bar). Qoǵam belsendisiniń oıynsha, bul oı iske assa, Tarbaǵataı halqynyń kóshi toqtap, jańa jumys oryndary ashylyp, shekaranyń shetine halyq ornyǵyp, óriske mal tolyp, halyq sany kóbeımek.
