Abaı Qunanbaıulynyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵynda «Abaı murasy jáne zamanaýı mýzeı: tanym, bilim-ǵylym jáne tárbıe toǵysy» taqyrybynda dóńgelek ústel ótti.
Is-sharaǵa Mádenıet jáne aqparat mınıstriniń keńesshileri Sherhan Talap jáne Erbol Alshynbaı qatysyp, mınıstr Aıda Balaevanyń quttyqtaý hatyn tabystady.
Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵy» dırektory Ulan Saǵadıev: «Búginde Mádenıet jáne aqparat mınıstrliginiń qoldaýymen abaıtaný ǵylymy men mýzeı isin órkendetýde aýqymdy sharalar qolǵa alynýda. Abaı murasyn nasıhattaý – mýzeı qyzmetkerleriniń basty mindeti», – dedi.
Qatysýshylar urpaq tárbıesinde Abaı shyǵarmalaryn oqytýda memleket tarapynan erekshe nazar aýdarylyp otyrǵanyn tilge tıek etti.
Jıyn sońynda Abaı atyndaǵy Qazaq ulttyq pedagogıkalyq ýnıversıtetiniń «Hákim Abaı» ortalyǵynyń dırektory Jabal Shoıynbettiń «Abaı qarasózderiniń erekshelikteri» kitabynyń tusaýkeseri men Abaı shańyraqtarynyń arasyndaǵy yntymaqtastyqty arttyrýǵa baǵyttalǵan memorandýmǵa qol qoıý rásimi ótti.
