Biyl Ūlytau oblysynda jaŋa oqu jylyn 40663 bala qarsy alyp otyr. Onyŋ ışınde 4 440 oquşy 1-synypqa qadam basty.
Biylǧy oqu jylynda oblystaǧy 1-synyp oquşylarynyŋ 81 paiyzy qazaq tılınde bılım aludy taŋdaǧan. Bılım künınde öŋırdıŋ barlyq mektepterınde "Mektebım — meiırım mekenı" taqyrybynda synyp saǧattary öttı.
Öŋır oquşylaryn bılım künımen alǧaşqylardyŋ bırı bolyp oblys basşysy Berık Äbdıǧaliūly qūttyqtady.
“Būl kün sızderdıŋ jaŋa beleske qol sozyp, biık şyŋdardy baǧyndyra tüsulerıŋızge, taǧy da myŋdaǧan mümkındıkke jol aşady. Bılım närın boiyna molynan sıŋırıp, talaptanudan şarşamaǧan jastar ǧana bolaşaqtyŋ ırgesın berık ūstaidy. Sol sebeptı de qajyr-qairattaryŋyzdy aiamai, bar küş-jıgerlerıŋızdı keleşekke nyq qarauǧa sarp etıŋızder!” — dedı ol öz qūttyqtauynda.
Oblys ortalyǧy Jezqazǧan qalasynyŋ äkımı Qairat Şaijanov № 3 JBBM-ge baryp, saltanatty jiynǧa qatysty. İnkliuzivtı bılım berude köşbasşy mektep sanalatyn atalǧan bılım ordasynyŋ oquşylary men ūstazdaryna jaŋa oqu jylynda sättılık tılegen qala äkımı mekteptıŋ jöndeu jūmystarymen de tanysty.
1 qyrküiek — bılım ordasyna imene qadam basqan 1-synyp oquşylary üşın airyqşa tolqynys pen esten ketpes estelıkke toly kün. Bügın osyndai erekşe sezımdı bastan ötkergen oquşynyŋ bırı — Sätbaev qalasyndaǧy № 25 mekteptıŋ 1-synyp oquşysy Aisūltan Alimov.
“Menı mektepke anam alyp keldı. Alǧaşqy ūstazymmen, synyptastarymmen tanystym. Men sabaqty jaqsy oqyp, ülgılı oquşy boluǧa tyrysamyn”, — deidı Aisūltan.
Oblys boiynşa mektepterde 4500 pedagog qyzmet etedı. Biylǧy oqu jylynda mektepterge kolledj ben universitettı bıtırgen 77 jas pedagog jūmysqa qabyldanǧan. Olardyŋ qatarynda jergılıktı Ö. Baiqoŋyrov atyndaǧy Jezqazǧan universitetın jäne Arqalyq pedagogikalyq universitetın, Euraziia Ūlttyq universitetın, Qyzdar ūlttyq pedagogikalyq universitetın tämamdaǧan jas mamandar bar.
Jaŋa oqu jylynda jaqsy jaŋalyq köp. Biyldan bastap Jezqazǧan tehnologiia jäne servis kolledjı men Sätbaev industrialdyq kolledjınde pilottyq rejimde öqu-öndırıstık kombinatynyŋ ülgısınde 10-synyptardyŋ 60 oquşysyna jūmysşy bılıktılıkterı, iaǧni tamaqtandyrudy ūiymdastyru, avtoslesar, tıgın ısı, dänekerleu ısı boiynşa käsıptık bılım berıletın bolady. Būl oquşylarǧa mektep bıtırgende jalpy orta bılım turaly attestatqa qosa jūmysşy mamandyqtyŋ diplomy bırge berıledı.
Sondai-aq, Jezqazǧan qalasyndaǧy tüzetu mekemesı janynan № 1 kolledj aşyldy. Atalǧan kolledjde 75 jazasyn öteuşı jūmysşy bılıktılıgın alatyn bolady. Mūndai şeşım jazasyn ötep otyrǧan azamattardyŋ bostandyqqa şyqqqanda äleumettenuıne, jūmysqa ornalasuyna mümkındık tudyrady.
Sonymen qatar, öŋırdı damytudyŋ keşendı jospary şeŋberınde qarastyrylǧan salalarǧa qajettı maman daiarlau üşın Jezqazǧan gumanitarlyq kolledjınde "Şetel tılı", Qarsaqpai agroehnikalyq kolledjınde "Veterinariia", "Ekologiia jäne qorşaǧan orta" mamandyqtary aşyldy.
