QR Prezıdenti Ákimshiliginiń kelisimi negizinde Shymkent qalasy ákiminiń ókimimen Shymkent qalasy ákimi apparatynyń basshysy laýazymyna Ǵabıt Patshahanuly Máýlenqulov taǵaıyndaldy.
Ǵabıt Patshahanuly 1977 jyly Ońtústik Qazaqstan oblysy Sozaq aýdany Sholaqqorǵan aýylynda dúnıege kelgen. Halyqaralyq quqyq jáne naryq akademııasyn, Q.A.Iasaýı atyndaǵy halyqaralyq qazaq-túrik ýnıversıtetin, Qazaq ekonomıka, qarjy jáne saýda ýnıversıtetin bitirgen, mamandyǵy boıynsha biliktiligi – zańger, qarjyger jáne ekonomıka, bıznes magıstri.
Eńbek jolyn 2000 jyly Prokýratýra organdarynda prokýror kómekshisi bolyp bastaǵan.
2002-2016 jyldary Qazaqstan Respýblıkasy Joǵarǵy Sot apparatynda referent, konsýltant, bas sarapshy, bas konsýltant, sektor meńgerýshisi, bólim meńgerýshisi bolyp jaýapty laýazymdardy atqarǵan.
2016-2018 jyldary Shymkent qalasy Qarataý aýdanynyń ákimi, Shymkent qalasy ákiminiń orynbasary qyzmetterin atqardy.
2018 jyldyń shildesinen búginge deıin Shymkent qalasy Ál-Farabı aýdanynyń ákimi retinde abyroıly qyzmet atqaryp keldi.
Shymkent qalasy ákimdiginiń baspasóz qyzmeti
