Túrkistan oblysynda 100-den astam adam astan ýlanyp qaldy. Bul týraly Túrkistan oblystyq qoǵamdyq densaýlyq basqarmasy basshysynyń orynbasary Altyn Dosanova aıtty, dep habarlaıdy “Adyrna” ulttyq portaly.
Olar 6-9 qazan aralyǵynda Kentaý qalasyndaǵy qoǵamdyq tamaqtandyrý oryndarynyń birinen tapsyryspen sýshı, pıa, frı jáne chıken alǵan.
Altyn Dosanovanyń aıtýynsha, astan ýlanǵanyna shaǵymdanǵan jalpy 145 adam kelip tirkelgen. Onyń 98-i aýrýhanaǵa jatqyzylǵan. Iaǵnı Túrkistan qalasyndaǵy aýrýhanaǵa 31 naýqas, Kentaý qalasyndaǵy aýrýhanaǵa 67 naýqas jatqyzylǵan. Naýqastardyń arasynda 5 júkti áıel men 33 bala bar. Báriniń jaǵdaıy búgingi tańda ortasha aýyr. Sondaı-aq 47 naýqas ambýlatorlyq deńgeıde tekserilýge jiberilgen. Basylymnyń jazýynsha, ınfekııanyń naqty qandaı taǵamnan taraǵany ázirge belgisiz. Barlyq taǵamnan zerthanalyq synamalar alynǵan. Bul jaıttan keıin qoǵamdyq tamaqtaný orny ýaqytsha jabylǵan. Polıııa atalmysh fakti boıynsha qylmystyq is qozǵap, sotqa deıingi tergep-tekserý amaldaryn bastaǵan.
Sondaı-aq, Kentaý qalasynyń sanıtarlyq-epıdemıologııalyq baqylaý basqarmasy men polıııa bólimi atalǵan nysanǵa jospardan tys tekseris júrgizgen. Nátıjesinde kásipkerdiń qajetti sanıtarlyq qujattary men aspazdardyń medıınalyq tekserýden ótkeni týraly anyqtamalary joq bolyp shyqqan.
