Ońtústik Koreıa balalardy qorlaǵandar úshin ólim jazasyn engizdi. Elde osyndaı qylmystardyń kóbeıýine baılanysty balalarǵa qatysty zorlyq-zombylyq úshin jazalar qatańdatylýda, dep habarlaıdy "Adyrna" ulttyq portaly.
Ulttyq jınalystyń jalpy otyrysynda bılik balalardy qorlaǵany úshin jazalaý týraly zańdy qaıta qaraldy.
Jeong-in Act zańy dep atalǵan túzetý 16 aılyq qyzdyń atymen atalady. Qyz bala asyrap alǵan ata-anasynyń qatygezdiginen shetinep ketti.
Qaıta qaralǵan zańǵa sáıkes, balalarǵa qatysty zorlyq-zombylyq jasaıtyn, ólimge ákelgen adamdar, óltirý týraly nıeti bolmaǵandar da ólim jazasyna kesiledi nemese jeti jylǵa deıingi merzimge bas bostandyǵynan aıyrylýy múmkin.
Jalpy otyrysqa qatysqan 254 depýtattyń 252-si zań qabyldaý úshin daýys bergenin, bir depýtat qarsy bolǵanyn, bireýi qalys qalǵanyn atap ótken jón.
«Chon In isi sııaqty oqıǵalardy qatań úkimdermen sheshý múmkin emes. Qylmyskerler onyń saldaryn bilse de qylmys jasaıdy» dedi zańǵa engizilgen ózgeriske qarsy daýys bergen oppozıııalyq partııa múshesi Kım Ýn.
Basylymnyń málimetinshe, Ońtústik Koreıada balalarǵa qatysty zorlyq-zombylyq týraly habarlamalar sany jyl saıyn artyp keledi, 2015 jyly 11000 bolsa, 2019 jyly 30000 deıin ósti.
Qazaqstanda otbasylyq zorlyq-zombylyq týraly zań jobasy áleýmettik jelilerde qyzý talqylandy. Sonymen birge, quqyq qorǵaýshylar men advokattar qazaqstandyqtardy turmystyq zorlyq-zombylyqtan qorǵaıtyn zań jobasyn qabyldaýdy qoldady. Májilis turmystyq zorlyq-zombylyq týraly daýly zań jobasyn keri qaıtaryp aldy.
