Öskemen qalasynda azyq-tülık dükenı örtenıp, 30 adam evakuasiialandy. Būl turaly Şyǧys Qazaqstan oblysy Tötenşe jaǧdailar departamentınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Oqiǧa 22 mausymda saǧat 04.40-ta Sätbaev daŋǧylyndaǧy azyq-tülık dükenınde bolǧan. Düken on qabatty tūrǧyn üidıŋ 1-qabatynda ornalasqan. Sauda jabdyqtary men azyq-tülık önımderı janyp ketken.
Mälımet boiynşa, oqiǧa ornyna kelgen ŞQO TJD qyzmetkerlerı baspaldaq arqyly 30 adamdy, onyŋ ışınde 6 balany evakuasiialady. Ört saǧat 05.40-ta 25 şarşy metr alaŋda söndırıldı. Qaitys bolǧandar men zardap şekkender joq.
Sondai-aq, örttı söndıruge jeke qūramnan 35 adam jäne 11 tehnika jūmyldyryldy.
Örttıŋ aldyn ala sebepterı – elektr jabdyǧynyŋ avariialyq jūmys rejimı jäne elektr jabdyǧyn ornatu men paidalanu kezınde ört qauıpsızdıgı talaptaryn saqtamau.ŞQO TJD käsıpkerlerge ört qauıpsızdıgı erejelerın saqtaudy eskertedı.
Ūqsas jaŋalyqtar
