Óskemen qalasynda azyq-túlik dúkeni órtenip, 30 adam evakýaııalandy. Bul týraly Shyǵys Qazaqstan oblysy Tótenshe jaǵdaılar departamentiniń baspasóz qyzmeti málimdedi, dep habarlaıdy “Adyrna” ulttyq portaly.
Oqıǵa 22 maýsymda saǵat 04.40-ta Sátbaev dańǵylyndaǵy azyq-túlik dúkeninde bolǵan. Dúken on qabatty turǵyn úıdiń 1-qabatynda ornalasqan. Saýda jabdyqtary men azyq-túlik ónimderi janyp ketken.
Málimet boıynsha, oqıǵa ornyna kelgen ShQO TJD qyzmetkerleri baspaldaq arqyly 30 adamdy, onyń ishinde 6 balany evakýaııalady. Órt saǵat 05.40-ta 25 sharshy metr alańda sóndirildi. Qaıtys bolǵandar men zardap shekkender joq.
Sondaı-aq, órtti sóndirýge jeke quramnan 35 adam jáne 11 tehnıka jumyldyryldy.
Órttiń aldyn ala sebepteri – elektr jabdyǵynyń avarııalyq jumys rejımi jáne elektr jabdyǵyn ornatý men paıdalaný kezinde órt qaýipsizdigi talaptaryn saqtamaý.
ShQO TJD kásipkerlerge órt qaýipsizdigi erejelerin saqtaýdy eskertedi.
