Shymkentte 14 úsh aýysymdy, 1 apatty mektep bar. 13 shaǵyn aýdanda mektep joq. Halyq sanynyń ósimine oraı mektep oqýshylarynyń sany byltyr bir jylda 20 889 balaǵa kóbeıgen.
Qala ákimi Murat Áıtenov bilim salasynyń ınfraqurylymyn sheshý úshin byltyr 5 jylǵa jospar daıyndalyp, sol boıynsha jumys atqarylyp jatqanyn jetkizdi.
2025 jylǵa deıin Shymkentte 85 mektep ashylady, onyń 33-i memleket esebinen, 12-si memlekettik-jekemenshik áriptestik negizinde, 40 mektepti jeke ınvestorlar salady. Onyń ishinde bıyl 32 mekteptiń qurylysy bastalady. Aldaǵy úsh jylda Shymkentte úsh aýysymdy mektep máselesi tolyq sheshiledi.
Bilim salasyndaǵy taǵy bir úlken másele – qosymsha bilimmen qamtý. Qala oqýshylarynyń 16 paıyzy qosymsha bilimmen qamtylǵan. Bul turǵyda shahar basshysy burynǵy Fosforshylar saraıyn Jastar saraıyna aınaldyryp, jańadan zamanaýı Oqýshylar saraıynyń qurylysyn bastaýdy kózdep otyrǵanyn aıtty.
2025 jylǵa deıin qosymsha bilimmen qamtý 55 paıyzdy quramaq.
Foto: Bereke SEIITJAPPAR
Shymkent qalasy ákimdiginiń baspasóz qyzmeti
