QR Premer-Mınıstri Asqar Mamınniń tóraǵalyǵymen ótken Úkimet otyrysynda turǵyn úı saıasatyndaǵy jańa tásilder qaraldy, dep habarlaıdy «Adyrna» tilshisi primeminister.kz-ke silteme jasap.
Indýstrııa jáne ınfraqurylymdyq damý mınıstri Beıbit Atamqulov, «Báıterek» ulttyq basqarýshy holdıngi» AQ basqarma tóraǵasy Aıdar Áriphanov, «Otbasy banki» basqarma tóraǵasy Lázzat Ibragımova, «Qazaq stroy» JShS atqarýshy dırektory Nurlan Artyqbaev, Shyǵys Qazaqstan oblysynyń ákimi Danıal Ahmetov, Qaraǵandy oblysynyń ákimi Jeńis Qasymbek, Shymkent qalasynyń ákimi Murat Áıtenov, Nur-Sultan qalasynyń ákimi Altaı Kólginov, Premer-Mınıstrdiń orynbasary Roman Sklıar baıandama jasady.
«Turǵyn úı saıasatyn tıimdi iske asyrý Elbasy Nursultan Ábishuly Nazarbaevtyń 2030 jylǵa qaraı baspanamen qamtamasyz etýdi 1 adamǵa 30 sharshy metrge deıin jetkizý týraly tapsyrmasyn oryndaýǵa múmkindik beredi. Memleket basshysy Qasym-Jomart Kemeluly Toqaev «Nur Otan» partııasynyń saılaýaldy baǵdarlamasyn tanystyrǵan kezde aldaǵy bes jylda 100 mln sharshy metrden astam úı salýdy tapsyrdy. Osylaısha biz 1 mln jýyq otbasyny úımen qamtamasyz ete alamyz», — dedi A. Mamın.
Premer-Mınıstr alǵa qoıylǵan aýqymdy mindetterdi iske asyrý úshin turǵyn úı saıasaty reformalanyp jatqanyn atap ótti. Jańa sharalar kesheni turǵyn úıdiń qoljetimdiligin odan ári arttyrýdy, jalǵa beriletin turǵyn úı qurylysyna jeke qurylys salýshylardyń ınvestıııalar aǵynyn yntalandyrýdy kózdeıdi.
Naryq jaǵdaıynda turǵyn úıdi qarjylandyrý kólemin arttyrý boıynsha tásilder ázirlendi. Bul jumystyń negizgi quraly «Nurly jer» memlekettik baǵdarlamasy aıasynda jeńildikpen beriletin turǵyn úılerdi sata otyryp, muqtaj azamattardyń kezegin ortalyqtan qalyptastyryp, júrgizetin «Otbasy bank» qurylǵan.
Bıyl barlyǵy 17 mln sharshy metr turǵyn úıdi paıdalanýǵa berý kózdelgen, bul ótken jylmen salystyrǵanda shamamen 2 mln sharshy metrge artyq.
Importtalatyn qurylys materıaldarynyń otandyq óndirisin damytý aıasynda jaqyn arada gaz-beton bloktaryn, qasbettik fıbroementti plıtalar, jylý oqshaýlaǵysh materıaldar, sendvıch-panelder, temir-beton konstrýkııalaryn, keramıkalyq plıtalar óndirý boıynsha jalpy quny 63 mlrd teńgeden asatyn jeke ınvestorlardyń jobalaryn iske asyrý josparlanyp otyr.
Premer-Mınıstr osy jyldyń 25 naýryzyna deıin turǵyn úı saıasatyndaǵy jańa tásilderdi iske asyrý jáne bıyl «Nurly jer» memlekettik baǵdarlamasyna tıisti ózgerister engizý úshin zańnamaǵa túzetýler engizý týraly zań jobasyn Úkimetke engizýdi tapsyrdy.
«Óńirlerde qurylys maýsymyn ýaqytyly bastaý mańyzdy. Jer ýchaskelerin der kezinde bólip, olarǵa qajetti ınfraqurylym júrgizý kerek», — dedi A. Mamın.
Indýstrııa jáne ınfraqurylymdyq damý mınıstrligine «Samuryq-Qazyna» UÁQ» AQ jáne «Atameken» UKP-men birlesip, osy jyldyń 15 naýryzyna deıin qurylys ındýstrııasyn damytý jónindegi is-sharalardyń egjeı-tegjeıli josparyn ázirlep, Úkimetke engizý tapsyryldy.
«Adyrna» ulttyq portaly
