Júıe bir kisige baılanǵan, memlekettiń bar baılyǵy tonalǵan

3015
Elimizge belgili dintanýshy ǵalym Qaırat Joldybaıuly sońǵy ýaqytta qoǵamda oryn alyp jatqan oqıǵalarǵa baılanysty óziniń kókeıindegi ay shyndyqty feısbýktegi jeke paraqshasyna jazypty. Dintanýshy ǵalym:
"Gerbtiń qulaýy, esiktiń túsýi jaı ǵana kezdeısoqtyq emes. Kózboıashylyqtyń, sapasyzdyqtyń, jemqorlyqtyń nátıjesi. Oblystyń eń laýazymdy tulǵalarynyń aldynda osylaı qırap jatsa, basqa jaqta ne bolyp jatqanyn bir Qudaıdyń ózi biledi.  Bes balanyń ólimi taǵdyrdyń isi deımiz. Biraq halyqty durys jumyspen qamtamasyz etý, olardyń oqyp-bilýlerine barynsha jaǵdaı jasaý, elge baǵyt-baǵdar berip, jan-jaqty jetildirý, sapaly ult qalyptastyrý memlekettiń jaýapkershiligindegi dúnıe.
Jalpy otyz jyl az ýaqyt emes. Ekonomıka joq. Jasandysynyń ózi quldılap qulady. Demografııalyq ósim de, ulttyq ıdeologııa da joq. Tilimizdiń esikten syǵalaǵan sıqy anaý. Táýelsiz sot júıesi bolǵan emes. Saıası durys júıe jasalmady. Júıe bir kisige baılanǵan. Memlekettiń bar baılyǵy tonalǵan. Jemqorlyq bar salany jaılaǵan.
Kedeı halyqtyń sany kún sanap artýda. Qymbatshylyq qysyp barady. Dinniń ózi saıasılanyp, áldebir mekemelerdiń qýyrshaǵyna aınaldy. Oı aıtyp, “qoı” deıtin zııaly qaýym jaǵympazdyqpen jarysyp, madaq-marapattyń sońynda júr. Sonda otyz jyldy qalaı atap ótýimiz kerek ózi?
Marqum Altynbek Sársenbaıulynyń: “zaýytty, qalany qaryzdanyp bolsa da salýǵa bolady. Biraq qandaı qoǵam, nendeı júıe qalyptastyrdyń? Jetistik osymen ólshenýi kerek” degen sózi oryndy aıtylǵan aqıqat sóz!"- dep, óziniń oıyn jetkizgen Qaırat Joldybaıuly.
"Adyrna" ulttyq portaly 
Pikirler
Redakııa tańdaýy