Mask jobalarynyń ishindegi eń myqtylarynyń biri - Starlink. Jalpy sany 12 myńǵa jýyq, árbiri 227kg tartatyn spýtnıkti ǵaryshqa shyǵarady. Ǵaryshtyń 3 deńgeıinde ornalastyryp, jerdegi "SpaceX" kompanııasynyń roýterlerine sekýndyna 1 gb jyldamdyqtaǵy ınternet beriledi. Qazirgi qoldanystaǵy ınternetke qaraǵanda bul óte jyldam bolmaq.
Eń qyzyǵy, joba iske assa álemde ınternet ustamaıtyn jer qalmaıdy. Taý, saı, muhıt, aral men aýyl demeı, Ilon Masktiń ınternetin qoldana alasyz. Bizdiń aýyldarǵa jetpeı jatqan qazaq ultynyń ınternet máselesin Ilon Mask sheship beremin deıdi.
Internet naryǵynan kelip túsken qarjy mıllıardtaǵan tabys ákeledi. Durys. Eńbeginiń jemisi. Máseleniń ekinshi jaǵy da bar. Álgi qarjyny Ilon Mask Marsqa adam jiberý úshin tehnologııa jasaýda paıdalanady. Eger Starlink sátti iske assa, bul spýtnıkter Marsqa da ınternet taratý maqsatynda, eki planeta arasynda baılanys ornatýda qoldanylady.
Baýyrjan SERIKBAEV,
"Adyrna" ulttyq portaly
