V. Gıýgo adam minezi týraly: "Árbir adamnyń úsh minezi bar: basqalardyń oǵan telıtin, onyń ózine-ózi telıtin jáne aqyrynda, shyn mánisinde ózinde bar minezi", - dep kórsetedi. Al siz ózińizdiń minezińiz týraly bilesiz be? Bilgińiz kelse, ózińizge unaǵan sýretti tańdap, tómendegi jaýaptardy oqyńyz.
1. Optımıst
Siz óte belsendisiz. Janyńyz naǵyz mahabbatqa qumartqanymen, ony taba almaı qalamyn ba dep qorqasyz. Júregińizge túsken syzattarǵa qaramastan, kez kelgen adammen tez til tabysatyn jansyz. Únemi ózińizdi túsinetin dostardy izdeısiz. Qarym-qatynastyń adaldyqqa negizdelgenin qalaısyz. Beıtanys adamdarǵa jyldam baýyr basasyz. Ómirdiń onsyz da qıyn ekenin túsinip, adamdardyń aldynda kóńildi de qarapaıym adam bolyp kórinýge tyrysasyz.
2. Turaqty ári tuıyq
Siz turaqtysyz. Syrt kózge joly bolǵysh, eń baqytty adam bolyp kórinesiz. Ishki sezimderińizdi ózińiz de túsinbeı qalatyn sátter bolyp turady. Sizdiń oıyńyzda ne turǵanyn aıtý qıyn. Sezimderińizdi ózgelerge kórsetkińiz kelmeıdi. Ózgelerge kómek qolyn soza biletin aqyldy da baısaldysyz. Qoǵamnan qalmaı ómir súrýge tyrysasyz. Dármensizderge kómekteskendi jaqsy kóresiz.
3. Qyzýqandy ári turaqsyz
Siz qyzýqandysyz. Bólmeniń ishindegi eń jaryq sham sekildisiz. Ashýlanyp júresiz. Ómirde esh ýaqytta toqtamaıtyn motormen birdeısiz. Oıyńyzda túrli ıdeıalar bar. Únemi jarysýdy unatasyz.
4. Aqyldy ári ashyq jarqyn
Siz óte aqyldysyz. Jaqsy kitaptardy oqýdan lıazzat alasyz. Ózgelerdiń álemin aralaǵandy jaqsy kóresiz. Tereń oılanyp, qorshaǵan ortańyzǵa saı áreketter jasaısyz. Ózgerister men jańa ıdeıalardy unatasyz. Tártip pen adaldyqtyń qulysyz. «Ómirde eń bastysy – adaldyq» degen ustanymyńyz bar. Eshkimge baǵynbaıtyn táýelsiz, dúnıetanymy keń adamsyz. Boıyńyzdaǵy kóp qasıetińizdi maqtan tutsańyz da, ony kórsetpeýge tyrysasyz.
5. Joly bolǵysh
Únemi ózgeler úshin alańdap júresiz. Qarapaıym, tereń oıdyń qushaǵynda júretin meıirimdi jansyz. Sizge uzaq ýaqytqa jeterlik josparlar kerek. Osy ómirdiń jaqsarýyna az da bolsyn úles qosqyńyz keledi. Árbir kúndi sońǵy kúndeı ótkizgendi jaqsy kóresiz. Ǵalamdy tutastaı ózgerte almasańyz da, adamdardyń ómirin ózgertip júrsiz. Ara-tura jolyńyz da bolyp turady.
6. Pozıtıv
Siz belsendi jansyz. Sizdeı kúndeı jarqyrap, eshkimde joq energııasy bar adamǵa qyzyqpaý múmkin emes. Aınalańyzdaǵynyń barlyǵyn bilgińiz keledi. Dostaryńyzdan da alys emessiz. Árbir saǵatyńyzdy baǵalap, ony qýanyshty sátterge toltyrýdasyz. Árdaıym kóterińki kóńil-kúıde júresiz. Ázil-qaljyńdy qyzyqty qylyp aıtasyz. Ómirden rahat alǵysy keletin adamdar sizben sóılesedi. Ózińizdi qýanyshqa bólegendi jaqsy kóresiz.
7. Tabysty ári energııaǵa toly
Sizdiń kúsh-qýatyńyz mol. Bir ýaqytta berneshe jumys isteı alasyz. ırk ónerin meńgergen bolýyńyz da ǵajap emes. Aldyńyzǵa qoıǵan aıqyn maqsattaryńyz bar. Armandaryńyzdyń oryndalýy úshin barynsha tyrysyp baǵýdasyz. Árbir qabyldaǵan sheshimińizge jaýapkershilikpen qaraısyz.
8. Tártipti ári meıirimdi
Siz tártipke baǵynýdy unatasyz. Ózińiz bar jerde adamdar ózin jaıly sezinedi. Árbir adamǵa jeke ındıvıd retinde qaraısyz. Ómirde bárine kóńilińiz tolady. Kúlkińizde shynaıylyq bar. Dostaryńyz júregińizdiń tazalyǵyn erekshe qurmetteıdi.
9. Meıirimdi ári barlyǵyn da túsinetin adam
Siz óte meıirimdisiz. Ómirge degen kózqarasyńyz da erekshe. Árdaıym keshirip, túsinistikpen qaraı bilesiz. Tynysh ómirdi jaqsy kóresiz. Aıǵaı-shýdan aýlaq júresiz. Bos ýaqytyńyzda ómir týraly tereń oılaǵandy jaqsy kóresiz. Ýaqytty qadirleı bilesiz.
Derekkóz: massaget.kz
