Memleket basşysy Qasym-Jomart Toqaev qorǧanys ministrı Däuren Qosanovty qabyldady. Būl turaly Aqorda jariialady, dep habarlaidy “Adyrna”.
Prezident – Qazaqstan Respublikasy Qaruly Küşterınıŋ Joǧarǧy bas qolbasşysy Qasym-Jomart Toqaevqa qorǧanys vedomstvosynyŋ 2025 jyldyŋ bırınşı jartyjyldyǧynda atqarǧan qyzmetı turaly baiandaldy.
Memleket basşysyna armiianyŋ jauyngerlık daiyndyǧy, köktemgı äsker qataryna şaqyru nauqanynyŋ nätijelerı, äskeri-patriottyq tärbie jüiesın jetıldıru jäne äskeri qyzmetşılerdı äleumettık tūrǧydan qamsyzdandyru şaralary jönınde mälımet berıldı.
Däuren Qosanov prezident tapsyrmalarynyŋ oryndalu barysyn jetkızdı. Atap aitqanda, memleket basşysyna äskerdıŋ ūtqyrlyq deŋgeiın arttyru, äue şabuylyna qarsy qorǧanysty küşeitu, aumaqtyq äsker men ūşqyşsyz ūşatyn apparattar bölımşesın, äskeri infraqūrylymdy damytu, sondai-aq qorǧanys salasyndaǧy memlekettık tapsyrysty ornalastyru mäselelerı jönınde aqparat ūsynyldy.
Qasym-Jomart Toqaev ministrge Qaruly küşterdıŋ äskeri äleuetın odan ärı arttyru jönınde bırqatar mındet jüktedı. Sonymen qatar Memleket basşysy äskeri qyzmettıŋ qauıpsızdıgın qamtamasyz etuge, äskeri qyzmetşılerdıŋ jaraqat alu jäne jazym bolu oqiǧalarynyŋ aldyn aluǧa baǧyttalǧan keşendı şaralar qabyldaudyŋ maŋyzdylyǧyna nazar audardy.
