Oraldyq zeinetker Mänsiia Jaqypova özınıŋ tırı ekenın däleldedı. Älıptıŋ artyn baqsaq, qariia 10 jyl boiy ölgenderdıŋ tızımınde jürgen. Bıraq zeinetaqysyn uaqytynda alyp kelgen. Juyrda ǧana alaşaǧy tüspegen soŋ, bankke baryp män-jaiǧa qanyǧypty. Biyl jetpıs bırge tolǧan qariia dın aman, tıptı talaidy baudai tüsırgen koronavirus dertımen de auyryp ülgırgen. Tırılerdıŋ tızımıne qaita qosyluǧa tyrmysqan oraldyq tūrǧyn turaly kelesı beinematerialda. Būl turaly "Adyrna" ūlttyq portaly Astana arnasyna sılteme jasap habarlaidy.
Oral qalasynyŋ tūrǧyny Mänsiia Jaqypova zeinetaqysy bırneşe künge keşıkken soŋ, män-jaidy bılu üşın bankke barǧan. Ondaǧylar mardymdy jauap aita almai, bıraz äure-sarsaŋǧa tüsedı. Keiın özınıŋ dünie salǧany turaly qaraly habardy estıptı.
Mänsiia JAQYPOVA, ZEINETKER:
Kuälıgımdı qyzdar qarady da, 2-şı qabatqa köterılıp kettı. Sosyn maǧan vypiska äkeldı de: Apa, vy spiske umerşih», – dedı. Men aittym: «qalai umerşii? Iа je pered vami stoiu! Spravka o smerti kım berdı senderge?» dedım. Kuälıgım özımde, ädette qaitqan kısılerdıŋ kuälıgın alyp qoiady ǧoi.
71 jastaǧy zeinetker qaǧaz jüzınde, 2011 jyly dünie salypty. Bıraq neden qaitys bolǧany belgısız. Jeke tūlǧalardyŋ derekterı jinaqtalǧan bazadaǧy mälımet osyndai. Deitūrǧanmen sodan berı qariianyŋ zeinetaqyny qalai alyp kelgenı de belgısız. Mūny jauaptylar da tüsındıre alar emes. Degenmen köşı-qon mamandary «būǧan bız kınälı emespız» deidı.
Qanat MŪQANOV, ORAL q. PB KÖŞI-QON QYZMETI BÖLIMINIŊ BASTYǦY:
2005-2011 jyldary azamattardy tırkeu ısımen Oral qalalyq Ädılet departamentı ainalysty. Mänsiia Jaqypova sol 2011 jyly qaitys bolǧan. Sodan berı ol ölgenderdıŋ tızımınde. Bıraq ıs jüzınde özı tırı, Oral qalasynda tūrady, eş kedergısız zeinetaqysyn da alyp kelgen. Būǧan bızdıŋ qatysymyz joq.
Asqar QOJUMOV, «AZAMATTARǦA ARNALǦAN ÜKIMET» MEMLEKETTIK KORPORASİIаSY KOMMERSİIаLYQ EMES AQ BQO FİLİALY DİREKTORYNYŊ ORYNBASARY:
Bızdıŋ mamandardyŋ tıptı qatysy joq. Pensiiasyn toqtatty, kelesı künı keldı. Qyzdar tüsındırıp aitty. Migrasiia bızge tırı dep hat jazyp berdı. «Dokumentterı dūrys, fakty smerti ne imeetsia» dep. Sol hat boiynşa būl kısınıŋ şotyna bükıl pensiiasy bazalyq zeinetaqysy, bükıl alatyn aqşasy tügel tüstı.
Jauapty organdardyŋ tabaldyryǧyn tozdyrǧan zeinetker tırı ekenın aqyry däleldeptı. Endı ony ekı künnen keiın tırılerdıŋ qaǧazdaǧy qataryna qospaq. Al tırı adamdy öldı dep qateleskenderdıŋ üstınen, endı qyzmettık tekseru jürgızılmek. Al, qariia densaulyǧy da joq ekenın aityp, aryzdanudan bas tartyp otyr.
Erkın KARİN, TILŞI:
Köşı-qon mamandar mūndai jaǧdaidyŋ qazır taŋsyq emes ekenın aitady. Mysaly, 2010 jyly da Oral tūrǧyny qaǧaz jüzınde köz jūmypty. Keiın qūjattary qaita räsımdelıp, tırılerdıŋ tızımıne qosylǧan. Demek, qūjattaǧy qateden älde bazadaǧy aqaudyŋ kesırınen älı qanşa tırı jannyŋ ölgender sanatynda jürgenı belgısız.
https://youtu.be/LMBo56MSzak
Ūqsas jaŋalyqtar
