Oraldyq zeınetker Mánsııa Jaqypova óziniń tiri ekenin dáleldedi. Áliptiń artyn baqsaq, qarııa 10 jyl boıy ólgenderdiń tiziminde júrgen. Biraq zeınetaqysyn ýaqytynda alyp kelgen. Jýyrda ǵana alashaǵy túspegen soń, bankke baryp mán-jaıǵa qanyǵypty. Bıyl jetpis birge tolǵan qarııa din aman, tipti talaıdy baýdaı túsirgen koronavırýs dertimen de aýyryp úlgirgen. Tirilerdiń tizimine qaıta qosylýǵa tyrmysqan oraldyq turǵyn týraly kelesi beınematerıalda. Bul týraly "Adyrna" ulttyq portaly Astana arnasyna silteme jasap habarlaıdy.
Oral qalasynyń turǵyny Mánsııa Jaqypova zeınetaqysy birneshe kúnge keshikken soń, mán-jaıdy bilý úshin bankke barǵan. Ondaǵylar mardymdy jaýap aıta almaı, biraz áýre-sarsańǵa túsedi. Keıin óziniń dúnıe salǵany týraly qaraly habardy estipti.
Mánsııa JAQYPOVA, ZEINETKER:
Kýáligimdi qyzdar qarady da, 2-shi qabatqa kóterilip ketti. Sosyn maǵan vypıska ákeldi de: Apa, vy spıske ýmershıh», – dedi. Men aıttym: «qalaı ýmershıı? Ia je pered vamı stoıý! Spravka o smertı kim berdi senderge?» dedim. Kýáligim ózimde, ádette qaıtqan kisilerdiń kýáligin alyp qoıady ǵoı.
71 jastaǵy zeınetker qaǵaz júzinde, 2011 jyly dúnıe salypty. Biraq neden qaıtys bolǵany belgisiz. Jeke tulǵalardyń derekteri jınaqtalǵan bazadaǵy málimet osyndaı. Deıturǵanmen sodan beri qarııanyń zeınetaqyny qalaı alyp kelgeni de belgisiz. Muny jaýaptylar da túsindire alar emes. Degenmen kóshi-qon mamandary «buǵan biz kináli emespiz» deıdi.
Qanat MUQANOV, ORAL q. PB KÓShI-QON QYZMETI BÓLIMINIŃ BASTYǴY:
2005-2011 jyldary azamattardy tirkeý isimen Oral qalalyq Ádilet departamenti aınalysty. Mánsııa Jaqypova sol 2011 jyly qaıtys bolǵan. Sodan beri ol ólgenderdiń tiziminde. Biraq is júzinde ózi tiri, Oral qalasynda turady, esh kedergisiz zeınetaqysyn da alyp kelgen. Buǵan bizdiń qatysymyz joq.
Asqar QOJÝMOV, «AZAMATTARǴA ARNALǴAN ÚKIMET» MEMLEKETTIK KORPORAIIaSY KOMMERIIaLYQ EMES AQ BQO FILIALY DIREKTORYNYŃ ORYNBASARY:
Bizdiń mamandardyń tipti qatysy joq. Pensııasyn toqtatty, kelesi kúni keldi. Qyzdar túsindirip aıtty. Mıgraııa bizge tiri dep hat jazyp berdi. «Dokýmentteri durys, fakty smertı ne ımeetsıa» dep. Sol hat boıynsha bul kisiniń shotyna búkil pensııasy bazalyq zeınetaqysy, búkil alatyn aqshasy túgel tústi.
Jaýapty organdardyń tabaldyryǵyn tozdyrǵan zeınetker tiri ekenin aqyry dáleldepti. Endi ony eki kúnnen keıin tirilerdiń qaǵazdaǵy qataryna qospaq. Al tiri adamdy óldi dep qateleskenderdiń ústinen, endi qyzmettik tekserý júrgizilmek. Al, qarııa densaýlyǵy da joq ekenin aıtyp, aryzdanýdan bas tartyp otyr.
Erkin KARIN, TILShI:
Kóshi-qon mamandar mundaı jaǵdaıdyń qazir tańsyq emes ekenin aıtady. Mysaly, 2010 jyly da Oral turǵyny qaǵaz júzinde kóz jumypty. Keıin qujattary qaıta rásimdelip, tirilerdiń tizimine qosylǵan. Demek, qujattaǵy qateden álde bazadaǵy aqaýdyń kesirinen áli qansha tiri jannyń ólgender sanatynda júrgeni belgisiz.
