Reseı Federaııasynyń Memlekettik Dýmasy jarnama, BAQ, kitaptar, fılmder men aýdıovızýaldy qyzmetterde LGBT nasıhatyna, pedofılııaǵa jáne jynysyn aýystyrýǵa tyıym salatyn jáne mundaı aqparatty balalarǵa tyıym salynǵandar tizimine engizý týraly zań qabyldady. Bul týraly Reseı Federaııasynyń Memlekettik Dýma saıtynda jarııalanǵan, dep habarlaıdy “Adyrna” ulttyq portaly.
«Memlekettik Dýma depýtattary dástúrli emes jynystyq qatynasty nemese artyqshylyqty nasıhattaıtyn materıaldardy taratýǵa tyıym salýǵa baǵyttalǵan zańdy úshinshi oqylymda biraýyzdan qabyldady», - delingen habarlamada.
Qabyldanǵan zańǵa sáıkes, mundaı aqparatty taratatyn saıttar keıinnen buǵattaýmen tyıym salynǵandar tizimine engiziledi. Sondaı-aq, LGBT nasıhaty bar taýarlardy satýǵa tyıym salynady. Dástúrli emes qarym-qatynastardy nasıhattaıtyn fılmder prokat sertıfıkatyn almaıdy.
Tyıym jarnamada dástúrli emes qarym-qatynastardy kórsetýge de qatysty. Al aqyly aýdıovızýaldy qyzmetterde mundaı mazmunǵa qol jetkizý tek paıdalanýshynyń jasyn rastaıtyn arnaıy kodtyń kómegimen múmkin bolýy kerek.
Sondaı aq, Reseıdiń Memlekettik Dýmasy Ákimshilik quqyq buzýshylyq týraly kodekske (RF ÁQBK) ózgerister engizý týraly zań qabyldady.
Zańnyń erejelerin buzǵany úshin jaýapkershilikke tartylady. Dástúrli emes jynystyq qatynasty nasıhattaýǵa engizilgen tyıymdy buzǵany úshin jeke tulǵalarǵa 50 myńnan 400 myń rýblge deıin, laýazymdy tulǵalarǵa 100 myńnan 800 myń rýblge deıin, zańdy tulǵalarǵa 5 mıllıon rýblge deıin aıyppul salynady nemese 90 kúnge deıin qyzmetin toqtatady.
Pedofıldi nasıhattaýǵa tyıym salýdy buzǵany úshin aıyppuldar qatańyraq: 200 000 - 800 000 rýbl. Jeke tulǵalar men - zańdy tulǵalar úshin 2 mıllıon rýblge deıin, sheneýnikter úshin 10 mıllıon rýblge deıin aıyppul salynady. Mundaı zań buzýshylyqtar úshin sheteldikter men azamattyǵy joq adamdar Reseıden shyǵarylady.
«Bul sheshim bizdiń balalarymyzdy, eldiń bolashaǵyn AQSh pen Eýropa memleketteri taratqan qarańǵylyqtan qorǵaıdy. Bizdiń óz salt-dástúrimiz ben qundylyqtarymyz bar», - dep túsindirdi Memlekettik Dýmanyń tóraǵasy, túzetýler avtorlarynyń biri Vıacheslav Volodın Telegram-arnasynda zańnyń qabyldanýyna qatysty.
Volodınnen basqa túzetýlerdiń avtorlary barlyq frakııalardyń jetekshileri men Memlekettik Dýmanyń 300-den astam depýtaty boldy.
