21 jasqa tolmaǵan azamattarǵa mıkronesıe berýge tyıym salynýy múmkin. Bul týraly Qarjy naryǵyn retteý jáne damytý agenttigi ashyq talqyǵa shyǵarǵan qaýly-jobasynda jazylǵan, dep habarlaıdy “Adyrna” ulttyq portaly.
«Ataýly áleýmettik kómekti jáne 21 jasqa tolmaǵan qaryz alýshynyń kirisin baǵalaý resmı kirisi negizinde aıqyndalady. Qaryz alýshynyń ortasha aı saıynǵy kirisi onyń ótinish jasaý aldyndaǵy qatarynan 6 aıdaǵy qatynasy retinde esepteledi», - delingen «Ashyq» NQA portalynda jarııalanǵan qujatta.
Qaýly jobasyna qosymsha berilgen túsindirmede jazylǵandaı, bul bastama 21 jasqa tolmaǵan tulǵalarǵa mıkronesıe berýdi shekteý maqsatynda engizilmek.
«Joba 21 jasqa tolmaǵan adamdarǵa mıkrokredıt berýdi shekteý maqsatynda, sondaı-aq osyndaı qaryz alýshylardy qorǵaý maqsatynda ázirlendi. Sonymen qatar, jobada tutynýshylyq nesıeleýde táýekelderdiń ósýine jol bermeý maqsatynda boryshtyq júkteme koeffııentin esepteýge qoıylatyn talaptardy qatańdatý kózdelgen», - dep túsindirme berilgen qaýlyǵa.
Aıta keteıik, qujat 28 sáýirge deıin kópshilik talqylaýynda bolady.
