Tanymal ánshi Aıqyn Tólepbergen álemdik balalar ádebıetiniń jaýharyna aınalǵan «Garrı Potter» týyndysyn qazaqsha sóıletken aýdarmashylardy synǵa aldy, dep habarlaıdy «Adyrna» tilshisi.
"Osy aýdarmashylardy túsinbeımin. "Shash al dese, bas alatyn". Garrıdi-Hárrı qylyp, Germıonany-Hármıona, Djondy-Djón qylyp ne kerek? Onda Inglánd, Skotlánd, Aırısh, Steıt, Fǵanse, Djýngo(Qytaı), Holland, Bǵazıl, Portýgel dep búkil ataýdy ózgertip tastaıyq. Sińip ketken sózderdi ózgertýdiń qajeti joq dep oılaımyn. Aeroport, vıtamın syndy aýdarýǵa kelmeıtin sózderdi áýejáı men dárýmen deýdiń ne qajeti bar?!»-dedi ol.
Aıta keteıik, "Harry Potter" romany ótken jyly «Hárrı Potter men pálsapa tas» degen atpen qazaq tiline tárjimalanǵan edi.
«Adyrna» ulttyq portaly
