Belgili aıtysker aqyn Balǵynbek Imash Instagram jelisinde kópshiliktiń qyzý talqysyn týdyrǵan jazba qaldyrdy, dep habarlaıdy «Adyrna» tilshisi.
Onyń aıtýynsha, qazaq halqy áli de bir baıraqtyń astyna birige almaı júr.
«Biz babalardyń qaldyrǵan ulan baıtaq jerimen maqtanamyz. Ne ony ıgeretin ǵylymymyz, ne qorǵaıtyn qarýymyz joq. Iá, Qabanbaıdaı batyrlardyń qylyshy joq, ıá, júırikterdiń tynysy joq, ıá, baılarymyzdyń yrysy joq, ıá, Naýryzbaılardyń naızasy joq, ıá, Kenesarynyń aılasy joq, ıá, Abaılardyń aqyly joq, ıá, Aıaz bıdiń naqyly joq, ıá, balýandardyń taqymy joq, nemizben maqtanamyz? Jasaǵanymyz ysyrap, asaǵanymyz qııanat, estigenimiz jamanat, attaǵanymyz amanat, bul qalaı boldy, Jamaǵat? Bilekti batyrlardyń basyn qurap, bir baıraqtyń astyna biriktire alatyn júrekti jigitterden kim bar" , - dedi ol.
«Adyrna» ulttyq portaly
