Bizdiń qolymyz ózimiz týraly aqparatty eń jaqyndarymyzǵa qaraǵanda, tipti eń jaqsy psıhologtarǵa qaraǵanda durys aıtyp berýi múmkin. Ol úshin tek alaqanyńyzdy jumyńyz. Qaı sýrette kórsetilgen qolǵa sáıkes keledi, sol sýrettiń nómiri boıynsha mátindi oqyńyz.
1. Bul adamdar uıań, kóbisi parasatty. Olar jan-jaqty jetilgen, tiri enıklopedııa. Siz bir nársege baǵyttalmaısyz, ushy-qıyry joq uǵymdy ıgerýge umtylasyz. Álemdi, ómirdi keńirek tanýdy unatasyz. Ideıa týdyrýshy retinde qaraıtyn bolsaq, qýaty taýsylmaıtyn, qoldy-aıaqqa turmaıtyn adam deýge bolady.
Tulǵanyń ekinshi qyry: qoǵamdyq ortadaǵy keıbir adamdar sizdiń shynaıy beıneńizdi tanýy múmkin. Negizinen ishteı óte tuıyq jansyz.
2. Bul adamdar óz-ózin únemi qatań tártipte ustaıdy. Keıde túnergen adam sekildi kórinedi, biraq ishteı názik, jany jaralanǵysh keledi. Tereń bilimdi ıgerý ekiniń biriniń qolynan kelmeıdi. Sizdiń túısigińiz óte jaqsy damyǵan. Altynshy sezimge kóbirek uqsaıdy. Sebebi mıyńyz únemi eń durys sheshimdi qabyldaý úshin oı ústinde bolady.
Tulǵanyń basqa qyry: adamdy birden tanı almaısyz. Bireýdi syrtynan sıpattar kezde aıaq tartyp qalyńyz, tipti ol týraly eshteńe aıtpańyz. Siz sekildi tulǵa sırek kezdesedi, biraq ózgeler óz deńgeıindeı baǵalamaıtyndaı sezinesiz.
3. Bul adamdar realıst, aıaǵynan tik turady, tájirıbelerdi jaqsy kóredi. Biraq keıde esepshi bolyp ketedi, bul ózgelerdiń qaltasyna qol suǵady degen sóz emes. Olar shyǵarmashylyqqa arnalǵan tulǵa deýge bolady. Ómirden ne qalaıtyndaryn, ózine ne keregin óte jaqsy biledi. Eger dostary qoldaıtynyna senimdi bolsa, ol baǵyndyrmaıtyn beles qalmaıdy. Senimdi, salmaqty adam.
Kelesi qyry: Kózdegen nysanaǵa jetkennen keıin jerge túsýdi umytyp ketpeńiz. Jaǵdaıdan qashyqta ony durys baǵalaı alasyz. Al naqty baǵalaýǵa kelgende tamyr soǵysyńyz baıaýlamasyn.
4. Bul adamdar baıqaǵysh. Olar qumnan qamal turǵyzýǵa, tıynnan mıllıon quraýǵa qabiletti. Kishkene bıýdjetti ǵana emes, óz resýrstaryn da basqara alady. Mundaı adamnyń urany: «Aqyryn júrip, anyq bas!» Olar maqtanshaq emes, birqalyptylyqty jaqsy kóredi. Tynyshtyqta sabyrly ómir súrgisi keledi.
Tulǵanyń ekinshi qyry: basqa tıptegi adamdarmen birden aralasyp kete almaýy múmkin. Óz aýlańyzda tuıyqtalyp qalmańyz. Tek jol sońynda sorpańyzdy bólip isher jannyń kim bolary mańyzdy...
Sizdiń qolyńyz qaı sýretke saı keldi?
massaget.kz
