Europalyq odaq AQŞ-tyŋ Grenlandiia turaly aitqan mälımdemelerı alaŋdatqanyn mälımdedı, dep habarlaidy "Adyrna" tılşısı.
Odaqtyŋ syrtqy ıster jäne qauıpsızdık saiasaty jönındegı Joǧarǧy ökılı Kaia Kallas AQŞ tarapynan Grenlandiiany basyp alu qaupı tuyndaǧan jaǧdaida EO elderı yqtimal jauap şaralaryn talqylaǧanyn mälımdedı.
Kallastyŋ aituynşa, AQŞ-tyŋ Grenlandiiaǧa qatysty aitqan mälımdemelerı Europalyq odaq elderın qatty alaŋdatyp otyr.
«Grenlandiiaǧa qatysty estıp jatqan mälımdemelerımız eleulı alaŋdauşylyq tudyrady. Bız europalyqtar arasynda da būl mäselenı talqyladyq: eger būl şynaiy qauıp bolsa, oǧan qalai jauap beremız? Daniia AQŞ-tyŋ senımdı odaqtasy bolyp keldı, alaida mūndai mälımdemeler älemdegı tūraqtylyqqa eş yqpal etpeidı. Halyqaralyq qūqyq aiqyn, jäne ol – şaǧyn memleketter üşın jalǧyz qorǧan», – dedı ol.
Aita keteiık, būǧan deiın AQŞ-tyŋ prezidentı Donald Tramp The Atlantic basylymyna bergen sūhbatynda Venesueladaǧy äskeri operasiia turaly aita otyryp, AQŞ-qa Grenlandiiany baqylau «qajet» ekenın mälımdegen bolatyn.
Būl mälımdemeler Daniia men Germaniiada qataŋ synǧa ūşyrady. Atalǧan elder mūndai sözderdı AQŞ sekıldı odaqtas memlekettıŋ aituy jol berılmeitının atap öttı. Daniianyŋ premer-ministrı Mette Frederiksen Trampty Grenlandiiaǧa qatysty qoqan-loqy jasady dep aiyptady.
Al Grenlandiia premer-ministrı Iens-Frederik Nilsen Tramptyŋ talaptaryna jauap berıp, grenlandiialyqtardyŋ dialogqa aşyq ekenın aitty.
