QMDB Töraǧasy, Bas müftiı Nauryzbai qajy Taǧanūly elordada Densaulyq saqtau vise-ministrı – Bas memlekettık sanitarlyq därıger Erlan Qiiasovpen kezdestı dep habarlaidy «Adyrna» ūlttyq portaly muftyat.kz-ke sılteme jasap.
Bas müfti jüzdesude koronavirus infeksiiasynyŋ taraluy boiynşa qauıpsız «jasyl aimaqta» ornalasqan öŋırlerdegı meşıtterde jūma namazyn oquǧa rūqsat beru turaly ūsynysyn jetkızdı.
«Koronavirus infeksiiasynyŋ taraluy boiynşa «jasyl aimaqta» ornalasqan auyldardaǧy şaǧyn meşıtterde profilaktikalyq jäne epidemiiaǧa qarsy şaralar qataŋ saqtalyp keledı. Osyǧan orai atalǧan meşıtterde sanitarlyq talaptardy saqtai otyryp jūma namazyn ötkızılse. Eger ol aimaqtaǧy epidemiologiialyq jaǧdai naşarlasa, jūma namazy toqtatylady» dep atap öttı Nauryzbai qajy Taǧanūly.
Bas memlekettık sanitar öz kezegınde qazırgı taŋda «qyzyl aimaqta» jetı öŋır tūrǧanyn, koronavirus infeksiiasy asqynǧan jaǧdaida jūrt jūma namazyn meşıtte oqysa, adam köp jinalyp, äleumettık araqaşyqtyq saqtau tärtıbı būzylatynyn, saldarynan elımızde nauqastar sany ösuı mümkın ekenın aitty.
Qazırgı uaqytta būl mäsele Qazaqstan aumaǧynda koronavirus infeksiiasynyŋ taraluyna jol bermeu jönındegı vedomstvoaralyq komissiiada qaraluda. Komissiianyŋ naqty nätijesı boiynşa tiıstı şeşım qabyldanady.
Ūqsas jaŋalyqtar
