Almatyda meşıtte ūrlyq jasady degen küdıkpen 2 er adam ūstaldy. Būl turaly Polisia.kz jariialady, dep habarlaidy “Adyrna” ūlttyq portaly.
Bostandyq audanynda poliseiler meşıtte jasalǧan 7 ūrlyqtyŋ betın aşty.
Audandyq polisiia basqarmasynyŋ basşysy Maqsat Qanapiaevtyŋ aituynşa, jedel-ızdestıru ıs-şaralary barysynda 29-34 jastaǧy küdıktıler ūstalǧan. Olar eş jerde jūmys ıstemegen.
“K. atty küdıktınıŋ 5 qylmysqa qatysy bary däleldendı. Onyŋ «ärıptesı», E. atty azamat 2 ret ūrlyq jasaǧan. Olar qaladaǧy ırı meşıtte bırneşe ret zaŋǧa qaişy äreketke barǧan, - dedı polisiia basşysy.Sonymen qatar, zardap şekkenderdıŋ aituynşa, olar meşıtte namaz oqyǧan kezde telefondaryn aiaǧynyŋ astyna qoiǧan. Mūny ūrylar sättı paidalanǧan.
“Jäbırlenuşıler tek namazdan keiın ūialy telefondarynyŋ joǧalǧanyn baiqaǧan. Ūstalǧandar ūrlyqqa qatysy baryn joqqa şyǧarmaidy. Olar öz kınälaryn moiyndap, ıstegen ısterıne ökınıp otyr”, - dedı Maqsat Qanapiaev.Būl derek Qylmystyq kodekstıŋ 88-baby boiynşa tırkeldı. Küdıktılerdıŋ basqa qylmystyrǧa qatysynyŋ bar-joǧy anyqtalyp jatyr.
Ūqsas jaŋalyqtar
