Almatyda meshitte urlyq jasady degen kúdikpen 2 er adam ustaldy. Bul týraly Polisia.kz jarııalady, dep habarlaıdy “Adyrna” ulttyq portaly.
Bostandyq aýdanynda polıeıler meshitte jasalǵan 7 urlyqtyń betin ashty.
Aýdandyq polıııa basqarmasynyń basshysy Maqsat Qanapıaevtyń aıtýynsha, jedel-izdestirý is-sharalary barysynda 29-34 jastaǵy kúdiktiler ustalǵan. Olar esh jerde jumys istemegen.
“K. atty kúdiktiniń 5 qylmysqa qatysy bary dáleldendi. Onyń «áriptesi», E. atty azamat 2 ret urlyq jasaǵan. Olar qaladaǵy iri meshitte birneshe ret zańǵa qaıshy áreketke barǵan, - dedi polıııa basshysy.
Sonymen qatar, zardap shekkenderdiń aıtýynsha, olar meshitte namaz oqyǵan kezde telefondaryn aıaǵynyń astyna qoıǵan. Muny urylar sátti paıdalanǵan.
“Jábirlenýshiler tek namazdan keıin uıaly telefondarynyń joǵalǵanyn baıqaǵan. Ustalǵandar urlyqqa qatysy baryn joqqa shyǵarmaıdy. Olar óz kinálaryn moıyndap, istegen isterine ókinip otyr”, - dedi Maqsat Qanapıaev.
Bul derek Qylmystyq kodekstiń 88-baby boıynsha tirkeldi. Kúdiktilerdiń basqa qylmystyrǵa qatysynyń bar-joǵy anyqtalyp jatyr.
