Tramp: álem Qytaıdan shyqqan keselden qaljyrady

3837
Adyrna.kz Telegram

Qytaımen tiresý arzanǵa túspeıdi. AQSh prezıdenti Donald Tramp tvıtterde osylaı dep málimdedi. "Óte jaqsy kelisim jasaǵanymyz sol edi, onyń sııasy keppeı jatyp álem Qytaıdan shyqqan keselden qaljyrady" dep jazdy Tramp. Bul týraly centralasian.org jazdy.

Bunyń aldynda ǵana Aq úı basshysy Pekınmen birge qabyldaǵan saýda kelisimin qaıta qaramaıtynyn aıtqan. Aqparat quraldarynyń málimetinshe, AQSh-taǵy koronavırýs pandemııasyna baılanysty qalyptasqan jaǵdaıdy óz múddesine paıdalanǵysy kelgen Qytaı kelisimdi buzyp, odan da tıimdi sharttardy moıyndatqysy bar.

Bul ýaqytta respýblıkashyl senator Lındsı Grem "COVID-19 úshin jaýapkershilik týraly" zań jobasyn talqylaýdy usyndy. Pekın koronavırýs dertiniń taralýy týraly barlyq esepti bermese, bul qujat Trampqa Qytaıǵa sankııa salýǵa múmkindik beredi.

AQSh pen Qytaı saýda-ekonomıkalyq kelisimniń bir parasyn bıyl qańtardyń ortasynda qabyldady. Qujatqa sáıkes, AQSh eki jylda Qytaı baǵytyndaǵy ımportyn 200 mıllıard dollarǵa kóbeıtip, qytaı taýaryna salynatyn amerıkalyq salyqty qysqartady.

AQSh - koronavırýstan eń qatty zardap shekken el. Sońǵy málimet boıynsha, Qurama Shtattarda COVID-19 vırýsyn juqtyrǵandar jarty mıllıonǵa jýyqtady. 84 myńǵa jýyq adam qaterli indetten kóz jumdy.

Pikirler